Veelderhande geneuchlijcke dichten, tafelspelen ende refereynen

[p. 183]

Der dronckaerts Lied, sotte Benedicite, ende Gratias.aant.

Venite ghy lieve ghesellen sonder sorghen
Den weert die wil ons borghen,
Den avont als den morghen, Salutari nostro,
En weest daeromme niet versaghet
Want de weert heeft een soo schoonen maghet,
Zy heeft my laestmael toe ghezaghet, In confessione,
Ende kan sy ons niet al by staen
Soo wil zy een hulpster tot haer haen, Iubilemus ei,

Quoniam, ende oft wy vervoeren

Dat wy de teerhng wouden roeren,
Wat holp ons vloecken en zweeren, Supet omnes Deo,
Wat hulp onse vloecken en schelden
Den Wijn moeten wy doch verghelden,
Wy en ghewinnen daer aen selden, omnes fines terre,
Ons weert neemt aen gheen mes noch zweert

[p. 184]

 

aant.

 

Ten zy dan driemael het gheldt weert, Ipse conspicit,

 

Quoniam de weert heeft hem gheschicket

 

Hy heeft de Tafel aen gherichtet,

 

Met glasen en kroesen gestichtet // Fundaverunt manus eius,

 

Seer vreughdelijck willen wy suypen,

 

Den wijn comt wt den druyuen druypen,

 

Dien ons hier heeft ghegeven // Dominus Deus noster,

 

Ons weert draeght op in kruycken en in vlessen

 

Hy weet wel geldt in onse tesschen // Oues pascue eius,

 

Hodie van mijn en sult ghy niet wencken,

 

Kroesen vol wil ick v in schencken,

 

So meugt ghy dies te beter swencken // In cordo vestra

 

Ick weet goede worste van een swijne, ghebraden,

 

Eenen goeden dronc machmen daer op gheraden,

 

Als onse ouders daden // Patres vestry.

 

Ten was onder hen gheene voor hem alleen,

 

Zy droncken al heen op den derden steen // Opera mea.

 

Quadraienta vier en veertich boeren,

[p. 185]

 

aant.

 

Satender aen eenen vollen croes in roeren,

 

Ende deden veel glasen en kroesen breken,

 

Alsoo dat ickt opt lest ging spreken // Hi errant corde.

 

Ick hadde gheluck, verstaet wel ditten,

 

Sy wouden my op mijnen cop sitten,

 

Ick wenschte hen doe die ritten // in ira mea.

 

Sy spronghen doen op met grooten gheschal,

 

En iaeghden my inder peerden stal, In requiem meam

 

Gloria inden stal werde ick beslooten,

 

Vande de droncken apen, theeft my verdroten,

 

Ic logeerden dien nacht by die Rossen // Spiritui sancto

 

Ic klaverden op al aen de wanden,

 

Ende viel doe weer neder op mijn lenden,

 

Dat haer alle den duyvel schenden, & nunc & semper.

 

Gheener en moet byt zyne blijuen,

 

Jae men behoortse uyt den lande te verdrijuen,

 

Met al haer kinderen ende wijuen, in secula seculorum

 

Amen,