Veelderhande geneuchlijcke dichten, tafelspelen ende refereynen

[p. 140]

Hier worden wt den Houe vanden Gast-huyse ghebannen, alle die hen niet en voeghen na dese ordonnantie voorschreven. aant.

Hoort toe, hoort toe, wilt nauwe toe luysteren
Hier ban ick wt den Gast-huyse ten eewigen dagen
Alle die de Ordonnantie soude willen verduysteren,
Die de Meester, en de Vrou vant Gast-huys behagen.

Eerstelijc so ban ick al de gene die hen eerlijck dragen

Ende die by maten alle haer dinghen hantieren
Voort soo ban ick alle de geene die hen vertsagen,
Int Gasthuys te coomen, vry sonder vieren,
Voort ban ick mede diet soo bestieren
Datse haer goederen altoos vermeeren
Ende niet verminderen, sulck volck nae mijn verfieren,
En behooren int Gasthuys niet te verkieren,
Oock ban ick opentlijck, zijn 't Vrouwen oft Heeren,
Die soberlijck leven, altijt na state
Ende alles diet soo maecken datmense moet eeren,
Den hoedt weten te lichten, dat is al delicaet,
Sulcken volc tregiment vanden Gast-huyse versmaet
Ende alle die hem wijslijck kunnen regeeren
Worden hier eewigh ghebannen by den hoghen Raedt

[p. 141]

 

aant.

 

Van meester Pover, ende van zijne Heeren,

 

Jonghers die lieuer tallen tijden verkeeren,

 

Inde Kercken dan inde Taveerne fijn

 

Oft by schoone Vrouwen, om te drincken den Wijn,

 

Deese ban is, sy moetent Gast-huys ontbeeren,

 

Voort ban ick al ist oock te deeren,

 

Alle Ambachts-ghesellen die vroech en spade

 

Lieuer wercken, dan sy ginghen teeren,

 

Inde Taveernen, euen gherade,

 

Al dat van ghoede regimente is, sonder ghenade,

 

Ban ick wt den Gast-huyse, soo dat behoort

 

Den eenen segghet den anderen voort.

 

 

 

Finis.