Truwanten
(1897)–Anoniem Truwanten–
Auteursrecht onbekend(Die vrouwe ).
[...............]
| |
[Folio 235ra]
| |
Comt voert! den hals moeti breken,
105[regelnummer]
Dat dus langhe vasten mijn beesten.
Hebdi nu gheweest in feesten?
Comt voert! ons vrouwe moet u bedroeven!
De maerte.
Swicht, vrouwe! laet u ghenoeghen
Met dat ic desen bundel draghe.
110[regelnummer]
In ginc noit in ghenen daghe
Om voederinghe al dus verre.
Tonrecht sidi op mi erre,
Wat niesent en rustic mine voete.
Die vrouwe.
Ay hoere, dat men u berren moete!
115[regelnummer]
Wat quader trijpsac sidi!
De maerte.
Vrouwe, waer omme smitti mi
Sonder verdiente? dats mi leet.
Ramp moetti hebben in u sweet!
In wil niet versproken sijn.
120[regelnummer]
Maer gheeft mi mijn gheldekijn,
Dat mi es worden suer ende swaer.
Die vrouwe.
Keren, hets een quaet jaer.
Al soude die duvel alles wouden,
Niet langher en willic u houden:
125[regelnummer]
Gaet weech, die duvel moet u geleiden!
De maerte.
Vrouwe, nu willic van u scheiden.
Nu hulpt god diet al verleent.
Ende hoe saen benic verbeent,
Dat ic ute minen dienste dus scheide.
130[regelnummer]
Dat mi brueder Everaet seide,
Dunct mi dat ic nu bevinde.
Wanneer ic sinen tsau bekinde,
Moetic met sire minnen dolen.
Ic moet noch gaen te sire scolen
| |
[Folio 235rb]
| |
135[regelnummer]
Ende haesten mi ter clusen
waert.
Hoerdijt, brueder Everaet?
Nu benic hier, god gheefts mi vrome.
Die brueder.
Ay minneken, sijt groet willecome,
Nu willic van mijnre clusen scheiden.
140[regelnummer]
Achter lande salic u leiden
Ghelijc of ghi waert suster Lute.
Ic can soe menegerande clute,
Dies al die liede niet en weten.
De maerte.
Wat! brueder Everaet, sidi beseten?
145[regelnummer]
Wildi mi leren nu truwanten?
Die brueder.
Swijcht, minneken, bi allen santen,
Truwanten en es ghene pine.
Hout, doet ane dese slavine;
Ic soude u node qualijc raden,
150[regelnummer]
Want bider liever gods ghenaden,
Es int lant een goet morseel;
Wi selens hebben beide ons deel.
Oec sal menich edelen traen
Van wine doer ons stroetken gaen.
155[regelnummer]
Nu volghet mi, suster Lutgaert!
De maerte.
Gherne, brueder Everaet!
Die brueder.
Hulpt god, hoe moede siwi van gane!
Want te sente Jans te Latrane
Ende te Jherusalem ten heileghen grave
160[regelnummer]
Hebben wi gheweest vele droever dage.
Moeten wi doghen in alder tijt?
Ay, dat ghi werden moet verblijdt,
Wilt mi ende suster Luten gheven
Van uwen goede, daer wi bi leven.
165[regelnummer]
Brinct ons iet leckers in onse caken,
Want gerne waren wi te ghemake.
Ghelaten hebben wi alle pine
Ende meinen voert truwante te sine.
| |
[Folio 235va]
| |
Het hulpt ons alte wel dlorinen.
170[regelnummer]
Men vinter noch, die node pinen,
Want wi hebben vele ghesellen
Beide in clusen ende in sellen,
Die de werelt quantsijs begheven;
Maer ginghese vollen ofte weven,
175[regelnummer]
Si souden bat met selken saken
Gode onsen here ghenaken.
Maer swesters, baghinen, lollaerde,
Si sijn alsoe loei van aerde,
Datse qualijc pinen moghen,
180[regelnummer]
Maer si drinken wel grote toghen,
Als sire connen ane gheraken.
Hier met willicx een inde maken,
Want ic wel te vele mocht spreken.
Die wel doet, en derf ghenen wisch uutsteken.
Die duvel.
185[regelnummer]
Hoert, ghi heren over al,
Ic hebbe bracht inden val
Desen brueder met minen treken:
Sine heilicheit heeft hi nu besceten.
Al draechti nu grau abijt,
190[regelnummer]
Het sal noch comen wel den tijt,
Dat hi rekeninghe doen sal,
Ende sijn brueders groet en smal,
Die dus truwanten achter lande
Ende eten der lieden sonden ende scande;
195[regelnummer]
Dies selen si noch voren singhen
Ende in minen ketel springhen.
Nota .c.xcvj. v.
|
|