Trotwaer. Jaargang 16

[p. 153]

K. Dalstra
Simmerwille

Dûkt Erna's swarte kap
Tusken de leeljes fan Pake Leiker.

It boatsje skommelt
‘Sit stil pake, oars falle wy derút!’

Wylst wy ferklaaie
swimt beppe rûntsjes.

Yn it kajút, foarûnder
fielt de waarme tinte.
Leit pake mei syn reade blierren
fan it neaken lizzen yn de sinne!

Erna hat syn besgroentsje oan.
Hja draaft as in ko
dy't de dongbulte siket
As in duvelske boer dy't
it hea útriket.

Dan seit beppe dat wy stjonke.
Wy leitsje, sizze:

‘Dikke prûm, âld izer,

sa wurde wy neat wizer!’

Dochs skrieme wy letter fan moaiens
op wei nei hûs!