Trotwaer. Jaargang 16

[p. 27]

Sybe Sybesma
Lege moarntiid

't Is dûnker yn 'e keamer: de gerdinen iepen!
Falsk sinneljocht kentekenet it byld:
sûnder jinsels is alles dwyl en wyld,
dy chaos: foar de dea, om yn te sliepen!

Men trêddet op en del, wit net hwêrhinne;
tinzen toheisterje in jachtich brein,
de nachts wanhopich yn 'e keatlings slein:
gjin minsk kin sokken finzenis ûntrinne!

O, fûgellûd, dat út 'e fierten klinkt:
in reinbôge, dy't winkt?