Trotwaer. Jaargang 6

[p. 106]

[Fersen (vervolg)]

Tragysk

yn Grikenlân to Kondilea is sa't Pausanias forhellet
in hillich wâld wijd oan Artemis Apanchomenè de Forhongene
ek Aspalis offere harsels en hong yn Milete

bij it gemaeltsje oan 'e Swette ûnder Drylst hat, sa't Durk wol,
Swarte Boate itselde dien en dermei ivich syn kânsen forspile
gjin fonteinen, bosken en stiennen binne nei him neamd
mar rabjen hat him tydlik yn' ivichheit skrast

bokken wurde jierliks yn beammen forhongen
troch maegden nochwol ta eare fan Aspalis fan Milete
op skommels wurdt de dea fan Erigonè bisongen
de died fan Boate hat inkeld de hel bitongen

[p. 107]

Daniel Daen
Pech

nei't er seit wie it op in nacht
doe't er riedt dêr't de sneldyk oer Staphorst giet
dat út it ljocht fan in tsjinlizzer de wurden riisden:

Stop - jou nije god

nou wie it al frij let
dat hij die dat mar net
wol krige er hast bij Grou in lekke bân
in spiker stiek as in godsbiwiis
mar boppe de iepenbiering fan in oarsaeklik forbân
joech syn forstân de foarkar oan in reservebân

[p. 108]

Forskiltsje

as it om in ierdapel giet is der wol in forskil
tusken ús Leave Hear en mij:
God skept de ierpels, ik skep se op

[p. 109]

Wer op 'e groun

alle dagen weroan klatterje ik de treppens op
yn myn nea folpriizge nije wente
hoe heech sit ik nou tusken de spoumuorren

ûnder mij sjonge myn grifformearre buorlju
GLORIA IN EXCELSIS DEO
en sjogge myn kant út

as de nijste Adam dael ik del
oant yn 'e koken myn frou mij mei it
tameitsjen tan de sprútsjes opskipet

[p. 110]

Hjerst

blêdden falle op 'e groun
elts rint yn skoech en kleuren roun
in frage boazet yn in hjerstwyn oan:
hwer is it om bigoun?

mar swijend bûge alle anderts foar de scepter
fan de syklus op syn troan

[p. 111]

Narcissus wiegel-effekt

hij hie genôch
mar mear en better
wjerspegelen har yn dream en wetter
hij dûkte ta en dronk
oant er yn't djipst
fan syn illúzje sonk