Trotwaer. Jaargang 3

T. Heeringa-Kroes / De keamer

Der is yn dit hûs in keamer,
der't ik gjin tagong ha.
De doar is op't slot en de kaei is wei,
dat is al tiden sa.

Soms bûke myn fûsten dy doar: dat er beswike mei.
Soms praet ik tsjin 't hout: dat it wike mei.
Mar ik kin neat berikke, wurch gean ik der wei.

Soms tink ik: moast er einlik ris iepenteare.
Misskyn foun ik wol eat, dat ik nea begeare,
misskyn ûntduts ik wol dat de keamer leech is
en dan blykt dat myn longerjen forgees is.

Uitgez. 28-2-'71