Trotwaer. Jaargang 3

R.R. v.d. Leest / Forbeane fruchten

heit sei jim meije alles
mar ien ding mei jim net
gjin parren stelle jonges
fan âlde gabe-tet

wy rounen troch de buorren
en keilden net in stien
op 't sinken dak fan flutsje
by klaske hold gjinien

en lûk fûl oan de skelle
en ek baes freark syn geit
lieten wy stil gewurde
yn alle goedichheit

wy gyngen nei har húske
en klommen oer it sket
en sieten ta de parren
fan âlde gabe-tet

Uitgez. 24-2-'71