Trotwaer. Jaargang 3

Sjoerd Spanninga / Stjonkroazen

Elts stelsel
dat fan tirannije libbet
en de geast bihearsket fan ús tiid,
in rôfslot lyk út earder dagen,
hawwe wy de dea oansein;
skielk sil de takomst
troch de holle sealen dwale
en de bitsjutting neigean
fan de tsjokke muorren,
of har bisauwe oer de finzenissen
ûnder it kastiel,
mar fierders is der suver neat,

[p. 115]

 

dat noch in hûgenis biwarret

 

oan de minsken,

 

dy't hjir regearren oer it folk-

 

tusken de stienfallen

 

hwat stjonkroazen, -

 

dat is alles.

Uitgez. 27-1-'71