Trotwaer. Jaargang 3

[p. 110]

Anne Jousma / Fers

't Moderne fers mei gjin fêst metrum ha,
gjin rym, gjin punt en sels gjin greate letter.
Tradysje allegear! Nou witt' hja 't better
en kinn' mei rebus-ried-rigels ta.

Al dy technyk smoart d'ynspiraesje sa:
in wierlik dichter hatet dat en hat der
in groulik hekel oan. Assosiearjend set er
't oarakel yn elkoar, sa woll' hja ha.

O Dante, Shakespeare, Perk en Kloos en Vondel
of tichter noch by hûs: o Douwe en Fedde,
jim binne út de tiid; ús tiid is oars.

Wy sjitte sûnder fakkunst yn 'e roas;
grif eltse snob kin him mei ús fers redde
en knikt bigripend boppe ús lêste bondel.

Uitgez. 6-1-'71