Trotwaer. Jaargang 2

(1970)– [tijdschrift] Trotwaer– rechtenstatus

Untwerp kontrakt

It hjirûndersteande kontrakt is útbret yn KU-formidden. It is in forbettere ferzje fan in earste bisykjen in Hollânsktalich kontrakt to forfryskjen en it by de bysûndere posysje fan 'e Fryske skriuwer en de Fryske útjower, en by idéalen fan 'e KU oan to passen.

By de KU-leden is op dit forbettere ûntwerp net folle krityk. Mar it hat grif sin it ûntwerp nochris foar to lizzen oan in breder bilanghawwend publyk.

Oanmerkingen binne tige wolkom op it adres: H.H. Brattinga, Appelmerk 6, Bolswert.

Oerienkomst

Tusken ûnderskreaunen:

De Koperative Utjowerij, fêstige to Ljouwert, hjirnei to neamen ‘de útjower’ en

hjirnei to neamen ‘de auteur’ is it folgjende oerienkommen oangeande:

hjirnei to neamen ‘it wurk’.

De auteur draecht oan 'e útjower it allinnerjocht oer it wurk yn 'e tael dêr't it yn steld is yn syn gehiel yn boekfoarmiepenbier to meitsjen en to formannichfâldigjen.

De auteur forklearret dat er oer it folsleine auteursrjocht op it wurk biskikt en hoedet de útjower foar oanspraken fan tredden, foarsafier't bliken dwaen mocht dat troch dizze oerienkomst rjochten fan tredden skeind binne.

De auteur hâldt it rjocht

a)	ta it útjaen fan in fortaling fan it wurk yn syn gehiel of yn parten;
b)	ta it ôfprintsjen yn kranten en tydskriften fan it hiele wurk of parten fan it wurk;
c)	ta it opnimmen fan parten fan it wurk yn karlêzingen etcetera;

d)	fan foardracht of útfiering, hwerûnder bigrepen it rjocht fan foardracht of útfiering foar radio en tillefizy, fan it hiele wurk of parten fan it wurk;
e)	fan biwurking ta en útfiering as harkspul, film en/of tillefizyspul, fan it hiele wurk of parten fan it wurk.

De útjower forklearret dat er yn it wurk neat foroarje sil sûnder skriftlike tastimming fan 'e auteur.

De útjower giet oer de materiële foarmjowing, de oplage en de priis fan it wurk, neidat er earst by de auteur nei dy syn winsken datoangeande fornommen hat.

De útjower sil it wurk binnen 12 moanne nei ûndertekening fan dizze oerienkomst forskine litte.

De útjower sil de namme fan de auteur of syn pseudonym dúdlik sichtber op titelpagina, bân en/of omslach fan it wurk sette, en allyksa yn alle advertinsjes en oare reklame dy't er foar it wurk makket of meitsje lit.

De útjower sil oan 'e auteur in honorarium útbitelje fan 10% fan 'e forkeapspriis fan 3/4 fan 'e oplage, ôfsjoen fan it tal forkochte eksimplaren.
By in werprintinge sil de útjower lyksa 10% fan 'e forkeapspriis fan 3/4 fan 'e oplage fan 'e werprintinge oan 'e auteur útbitelje.
Oare honoraria sille net útbitelle wurde.

De útjower sil it honorarium mei de auteur ôfrekkenje binnen 12 moanne nei it forskinen fan it wurk.

10.

De auteur kriget fan 'e earste druk fan it wurk 10 en fan alle folgjende printingen 5 eksimplaren forgees. Hy mei dy eksimplaren net yn 'e hannel bringe of sels forkeapje.

11.

De auteur hat altyd it rjocht eksimplaren fan it wurk fan 'e útjower to keapjen mei in koarting fan 35% op 'e fêststelde forkeapspriis, ûnder it bitingst dat er dy eksimplaren net yn 'e hannel bringt of sels forkeapet.

12.

De auteur sil net sûnder skriftlike tastimming fan 'e útjower by in oare útjower in wurk forskine litte dat troch ynhâld, útfiering, namme of op oare wize it debyt

	fan it mei dizze oerienkomst kontraktearre wurk skea dwaen kin, en likemin syn meiwurking oan sa'n wurk jaen.
13.	De auteur sil de him tastjûrde printkladden sekuer korrigearje en uterlik binnen trije wike oan 'e útjower werom stjûre.
14.	De kosten fan ekstra korreksje, dat wol sizze korreksjes dy't net op flaters fan de setterij sloegen, sille, hwannear't se troch de printer yn rekken brocht wurde, en dat neffens de útjower mei rjocht, op it honorarium fan 'e auteur koarte wurde.
15.	Hwannear't minder as ¼ part fan de oplage en minder as fyftich eksimplaren fan it wurk boun of plano yn foarried binne, jildt it wurk as útforkocht. As de útjower net binnen 12 moanne nei it útforkocht reitsjen fan it wurk skriftlik oan 'e auteur meidield hat dat er fan doel is in werprintinge út to jaen, falle de rjochten op 'e nij ta oan 'e auteur. De auteur hat it rjocht in reedlike termyn fêst to stellen foar it forskinen fan de werprinting; wurdt dy termyn troch de útjower net oanhâlden, dan falle de rjochten wer ta oan 'e auteur, of it moast wêze dat de útjower oantoane kin dat bysûndere omstannichheden him it werprintsjen binnen in reedlike termyn bihinderje. Hwannear't útjower en auteur it net iens wurde kinne, lizze hja it skeel foar oan de ledegearkomst fan 'e koperative útjowerij, dy't in foar beide partijen binende útspraek docht.
16.	De rjochten falle de auteur ek wer ta as de útjower faillyt forklearre wurdt of syn bitellingsplichten net neikomt, nei't him troch de auteur in lêste termyn fan twa moanne steld is.
17.	De útjower hat it rjocht, as minne forkeap him dêr neffens syn oardiel ta twingt, de priis fan it wurk to forleegjen of it restant fan 'e oplage to forramsjen of to forneatigjen. De auteur krijt dêr foartyd tynge fan en hat it rjocht eksimplaren fan it yn priis forlege wurk fan 'e útjower to keapjen foar 65% fan dy fêststelde forlege priis.

	By forramsjing fan it restant fan 'e oplage hat de auteur it rjocht it restant sels to keapjen foar it bidrach dat de útjower derfan bard hawwe soe. De auteur hat it rjocht forneatiging foar to kommen troch it restant fan 'e oplage yn eigendom op to easkjen. Priisforleging, forramsjing of forneatiging fan 'e foarried kin earst barre tritich moanne nei ûndertekening fan it kontrakt.
18.	De rjochten en plichten fan 'e auteur, dy't út dizze oerienkomst fuortkomme, geane by syn forstjerren oer op syn erfgenamten en rjochtkrijenden. Binnen seis moanne nei it forstjerren sille dy ien inkele persoan oanwize, dy't as iennichste rjochthawwende tsjincer de útjower fungearret en har, hwat alle rjochten en forplichtingen oanbilanget dy't út dizze oerienkomst folgje, beide yn en bûten rjochten fortsjintwurdiget.
19.	De útjower hat it foech de wurksumheden dêr't de auteur by dizze oerienkomst ta forplichte wurdt, troch in oare auteur of in lid fan 'e koperative útjowerij forrjochtsje to litten, as de auteur syn plichten net neikomme kin of wol, of syn plichten net goedernôch neikomt neffens it oardiel fan 'e útjower. De útjower mei yn dat gefal in reedlik bidrach op it honorarium yn mindering bringe. De auteur hat mei yngong fan 'e datum hwerop't er kennis nimme koe fan dy troch tredden forrjochte wurksumheden en fan de kosten dy't dêrfoar yn rekken brocht wurde foar de tiid fan in jier it rjocht fan birop op de ledegearkomste, dy't in foar beide partijen binende útspraek docht.
20.	De útjower hat it foech de út dizze oerienkomst folgjende rjochten en plichten oer to dragen oan in oare erkende útjower; troch sa'n oerdracht is hy sels fan alle rjochten en plichten tsjinoer de auteur ûntslein. De útjower kin syn rjochten allinne oerdrage as in oare útjower skriftlik forklearre hat dat er de plichten dy't yn dizze oerienkomst de útjower oplein wurde, krekt en sekuer neikomme sil. Sa'n oerdracht mei allinne, as der earst oerliz mei de auteur of syn/har rjochtkrijenden west hat.

21.	De auteur hat it rjocht de boekhâlding fan 'e útjower yn to sjen, of op eigen kosten troch in deskundige ynsjen to litten. By dúdlike neilittichheit of oantoanbere sleauwens fan 'e útjower is de útjower forplichte de kosten fan it ûndersyk to biteljen.
22.	Oer alle skelen dy't ûntstean mochten nei oanlieding fan dizze oerienkomst of wol fan neijere oerienkomsten dy't dêrfan it gefolch wêze mochten, docht de algemiene ledegearkomst fan 'e koperative útjowerij in binende útspraek.
23.	De auteur hat tagong ta de algemiene gearkomst fan leden fan 'e koperative útjowerij as der in biropskrift fan him bihannele wurdt. De auteur wurdt foar dy gearkomst op 'e tiid útnoege.
24.	Troch ûndertekening fan dizze oerienkomst kriget de útjower it rjocht fan opsje foar trije moanne op it earstfolgjende letterkundige wurk fan 'e auteur, tsjin deselde bitingsten as by dizze oerienkomst fêstlein binne.
25.	Foar dizze oerienkomst kieze partijen domisily yn it kantoar fan 'e útjower.
26.	Dizze oerienkomst waerd yn twa gelikense eksimplaren opmakke, beide troch de útjower en de auteur ûndertekene.

Ljouwert,.......

de útjower

de auteur

Vorige Volgende