Trotwaer. Jaargang 2

Jan Dotinga / Flerk yn it ljocht

Boaten fol sinne binn' nei
it lân reizge en hawwe harren
in kening keazen.
Manmachtich hawwe hja
in lytse slankenien
balansearjend
yn it ljocht set.

Dêr stiet er dan
en wifket tusken wyn en weagen.

Mar de sinne is in master:
elke dei hat syn eigen tij,
yn formannichfâldiging fan waermtes
wurde de flanken
trochsichtich as lucht -
it boat seach him eagen út.

Yn in romte fan harkjen
ûntsteane reagen fan flústerjen,
tikboartsjend tusken skaed
en ljocht.

Nei: WINGED FIGURE

Barbara Hepworth

uitgez. 1-11-'70