Trotwaer. Jaargang 2

Freark Dam / Fatum?

Wês wach en wês ré om to flechtsjen,
as de Dea gjin ausweis jowt
stiest' moarn oan 'e fronten to fjuchtsjen.
- Massagrêf of in krús fan hout?

Wês wach: op 'e hoek van 'e strjitten
hâldt de Dea kontrôle en de wacht.
- Hwat jowt it, werom to sjitten,
- hwa heart dyn lûd yn 'e nacht?

Wês wach, nou't de wolven gûle
en de huzen to brânnen stean.
De stoarm saeit granatehûlen:
fruchten fan sels-siedde beam.

Mar aenst, oan de ein, út it Easten
riist misskien noch in oare Gloed?
Wês wach, wês wach, hwant de measten
stjerre foargoed.

1943

uitgez. 17-6-'70