Trotwaer. Jaargang 2

[p. 8]

[p. 9]

Utfanhûs
fan Durk van der Ploeg

Yn it jier nul
de ierde bêd
en alle bêdden sé
ik fear by god en beppe
yn 'e weach
en lei yn har waerme lijte
letter gyng ik mei pake
de wrâld yn
by de sé lâns
pake friet tabak
en spij allegedurigen
yn 'e kristenjoad
jouns lies er mei
triljend lûd út 'e skrift
hy rôp wel godfordomme
doe't se my yn 'e
blikke delhouden
mar bea oanhâldend
om it ôfbrekken fan
ús ierdske tabernakel
trou knibbele ik jouns
foar de matsjestoel
dy't sa stonk op 'e
konten fan de geande
en kommende man
hwant de lucht
hâldt sa oan
tusken it bies.