Trotwaer. Jaargang 2

Tiny Mulder / ... en likegoed

Hwat haw ik hwat ôfsleept
mei de dikkoppen yn de flesse:
út it skaed yn de sinne
út de sinne yn it skaed
finsterbank boekeplank
finsterbank.
Se stoaren likegoed
ûnder myn hannen.
Nou ja.

Hwat haw ik hwat ôfsleept
mei de beide azalea's:
út de sinne yn it skaed
út it skaed yn de sinne
mear wetter minder wetter.
Se stoaren likegoed
ûnder myn hannen.
Nou ja.

Hwat haw ik hwat ôfsleept
mei dy,
en likegoed

uitgez. 13-5-'70