Trotwaer. Jaargang 2

[p. 40]

Harm de Vos /

Houtigehaege
der stiet skreaun
dat jezus libbet
njonken ‘Huize Vrede’
oan in wei fan ‘Ljocht en Fjild’
tichteby in houten haege
en dochs
lykwols
mar hwerfoar
2000 jier
minsken stjerre
troch minsketúch
en minskehânnen
sûnder needsaek
hiel de wrâld oer
troch de ieuwen hinne
mûlen fol fan frede
hânnen fol fan haet
lykwols stiet der skreaun
dat jezus libbet njonken ‘Huize Vrede’.
leau it mar!
it docht jim goed!

uitgez. 6-5-'70