Trotwaer. Jaargang 2

Tiny Mulder / Maitiid 1970

Dizze maitiid giet it
dochs wer oer

10 maeije

15 april

5 maeije,

ek al binne wy der wurch fan.

Wurch fan dach bêste Bob,
Karel, Krijn en de hiele
deade rattaplan,
ek wol helden neamd,
ûnder tinkstiennen
foarsafier mooglik.

Wurch fan noait earlik forjitte
en noch de pest oan dútsk
en oan B. fan de NSB,
en hieltyd âlder sear
as hege huodden
omgrieme mei deftige wurden.

[p. 35]

 

Allinne doe't wy keal en meager

 

as gekken dounsen op de Brol,

 

don't fence me in,

 

raesde de frijheit halleluja.

 

 

 

Ienkear hearden wy

 

hwat se dan neame

 

de stim fan de frijheit.

 

Dêrnei waerd alles wer gewoan.

 

Kom, wy geane fierder.

 

Dizze maitiid is wer net de goeije.

uitgez. 18-4-'70