Trotwaer. Jaargang 2

Anne Jousma / Ljocht en stof

Ut dûnker hout stiigde de flammegloede
as triljend libben út massive stof.
Ik seach't yn mymring oan, bitinkend, hoe de
flam dounsjend riist út hwat der dea en dof

en swier en kâld nou oergiet yn in goede,
goudblinkende forskining en lei ôf
syn ûnforoarlikheit. Ik tochte: soe de
stofskepen foarm sa sykje opnij it hôf,

it paradys, dêr't 't al syn oarsprong foun
yn ljocht? En hwat hjir foarm en lijen woun,
soe't him yn brân wer ta it ljocht bikeare?

De hurde stof, út 't ile ljocht formeare,
wurdt hjir fan pine en fan langst forbarnd,
oant hja opnij yn't selde ljocht toraent.

uitgez. 15-4-'70