Trotwaer. Jaargang 2

Hein Faber / De rounte

Heit gyng ôf
It findel strutsen.
Ik kaem op.
Heech sloech de flagge yn't sinneljocht.
In ridder wie ik
Tarist foar't tournoai.

Myn moed omsleat my as in pantser.
Spant wie de bôge fan myn geast
Sterk de wil om fjuchtsjende to winnen
De ljochtsjende glim fan frêle Fortuna.

Mar net hie'k forwachte
De lytse dingen fan al den dei
Dy't nea ôflittend forsloppen de geast
Weakken de wil, toraenden myn pantser
En dôven it ljocht yn de loften.

[p. 33]

 

It tij fan de tiid forsliet lichum en siel

 

Nea keam it ta striid mei iepen fisier.

 

Wol kaem ik to sjen de glim fan de frêle

 

Meilydsum en drôf.

 

Hja fierke oer myn skouder

 

En omsjend seach'k myn soan

 

Tarist foar't tournoai.

uitgez. 12-4-'70