Trotwaer. Jaargang 2

[p. 20]

Bartle J. Laverman / Gelearde bgl.

ek
dy bleke moarnen
yn april
lêst er
- riljend,
weidûkt yn 'e kraech -
de gebedens
dy't er sels makke of
dy't er foun
op syn reizen yn
it forgetten lân

hy mjit
de echo
dy't oer de heuvels
by him werom komt
en hy sjocht hoe't de
sinne de reagen fan 'e dize
brekt
hy wachtet

dan rint er wer
nei syn hoal
en as elke moarn
forflokt er de formules
hwêr't er syn laits
yn forlear