Trotwaer. Jaargang 2

[p. 98]

[Operaesje fers (vervolg)]

Barthle Laverman /

as de debielen sliepe
wurch fan it wurk fan moarn

skoddet de grienhûdige kobolt
de modder
fan syn fearren
klimt yn syn beam
en sprekt de folkjes ta
dy't opstien binne
ût it skaed fan 'e beamwoartels

optein dûke hja yn 'e poelen
en weve hastich
nije triedden yn it
ûnderierdske woartelnet
swier fan groeikrêft

de kobolt sjocht yn 'e moanne
en hifket de tiid.

uitgez. 28-3-'70