Trotwaer. Jaargang 2

[p. 63]

Stillibben / Meindert Bylsma

de parren fan it skilderij
njonken it wandmeubel
fan nutehout
doarre it to bistean
op parren to lykjen
yn in hoekje fan dit bistean
swilet jan fan trijekwart
de wurden byelkoar
foar in ynteressant bitooch
en filosofearret
oer it rjocht fan kij
hwat seit it kouke dan
om boe te sizzen
mem flintert ûnredsum
har flerkjes binne
oan 'e krappe kant
fan it nunderskipke
mei de mislearre seiltsjes
nei it sjineeske faeske
made in germany
as de jirpels bigjinne
oan to brânnen
komt jin it aroma
fan in kunstwurk tomjitte

uitgez. tel. 18-1-'70