Trotwaer. Jaargang 1

[p. 131]

Geart van der Zwaag / Wetterfloed

de kommissaris moat yn harns nei't húske

it pylkje sjen

fryslân hat it oan't wetter

de stiennen man leit yn in eftertún
ik bin net bygelovich
mar komt dit wol goed minsken

de sûnde wurdt straft sei de dûmny

en de man kriget noch gelyk

ik haw myn houtstek ek alris munstere

men kin optheden sokke aerdige boupakketten krije
ik moat net to great
wy kinne ús gau rêdde

ús soarte wennet hjir net

wy hoege gjinien oan to heljen

en de houtsjes driuwe fan harsels wol

miskyn hinget der ûnderweis noch in man yn in beam
as er ús swarre kin dat er nearne by heart
nimme wy him mei - oars kin er forrekke
wy hâlde mar op Ljouwert oan
de âldehou is wer funksioneel
de p.b. strânhotel

stêdlju krije sicht op swarte haen

dêr't fjouwer gesinnen samar weiwurden binne

dat sprekt wol even oan

dêr ha wy noach fan 'e súdhoek
mei it hiele spul komt er delsetten
dat is him yn it lânboukertier ek net trochdien

dit kin gjin kant út sizze de lju fan'e nijstêd

de unifoarmpetten moatte hast mar komme

om de biwizen fan ûnformogen út to rikken

mynhear bartstra hat gjin wiete fuotten
bearn kriget wol fan 'e w.w.
en de b.b. is der ommerseek noch

de Ljouwerter iepent it gemael

de gasten drinke har glês leech en forklomje

de wyn moat om sizze se yn it leechlân