Trotwaer. Jaargang 1

[p. 128]

R R van der Leest / Nocturne

dêr't de groed him biseart oan it wyt fan it each
en de klinge fan dwêst toarret djip yn de facht
dêr't de wyn him bitiist yn de strûp fan it wrâld
tusken gers op de hil neist de stien oan it skot
dregger is skeind troch de dregger is skeind
dêr't it wylpjen foar floed by de spounsmoas forraent
yn de fûgel syn skreau nei it skuorren fan flues
boppe tonger biwend ûnder wolkense stjalpreinbrek
swat
swat is de trâns
lâns it smokeljend grim tsjin de stek sûnder kil
leit it sulver en rust skynt it focht
dêr is fjûr om de troan ûnforsânleaze toarst
dêr kleeft bloed oan de peal yn it wek fan de loft