Trotwaer. Jaargang 1

[p. 59]

Steven de Jong / Fersen

Ympotint

de leafste fan syn dreamen hinget
3 diminsionael yn in forgulde list
hy hat har krusige yn 'e keamer

net ien mei oan har komme
hy docht de gerdinen ticht
en knibbelet foar har
(alle militairen stean stram yn 'e hâlding)
hy smeket om genede

dan snijt er har greate tean iepen
en sûget har bloed
hy kin lykwols gjin byt krije
de saek is sa útdroege

hy faget it swit fan 'e holle

bûtendoar rint de generael
mei 'n enorme potinsje

[p. 60]

Bernekrústocht

eksploazje yn 'e semantyk
alle wurden falle fan har stokje

de bern kinne de âlden net mear fine
en slute har op yn it gemeentehûs

se boartsje heiteke en memmeke
leave heit en mem

't is hjir oe sa gesellich

de evolúsje hat de poppen wjukjes jown

de K.L.M. kin moarn wol ynpakke

de minister kin om ús yn in tohûs foar

âlden fan dagen

hi hi lekker biljerte

leave heit en mem
ik hâld sa fan hinke
ik tink dat hja in ingel is
froukje is in beest
se byt en klaut sa
dochs wol in leaf poeske
alle jonges bin gek op har
't is in mónster fámke

ik tink dat hinke in ingel is

ingels binne sa gefaerlik

ik wol moarn mei froukje trouwe
wy trouwe moarn allegear
yn it gemeentehûs

't wurdt great feest

hinke sil harsels mei bensine oerjitte

en yn 'e brân stekke

ingeltsjes hearre yn 'e himel thús

't is hjir in greate rotsoai
mar oe sa gesellich