Trotwaer. Jaargang 1

[p. 18]

[Gedichten (vervolg)]

De draek

ik bin de papierwurden gedachte
yn ûntwerp oerlevere fan heit op soan
it ramt biboun en biklaeid
en alles fêstplakt mei bonkelym
nei it byld fan de minske haw ik in gesicht
nei it byld fan de dieren in sturt

de team is noflik oan'e ribben
dronkenens stiet net foar in draek
kant kom ik út in hân omheech
steil stean ik boppe de stêd
der is gjin bod foar fierder feesten
maet pakt hwat om mei âlde kranten

de telegrammen hokje by my gear
ik skamje my en skodzje né
ik priizje stil it loas ein tou
en fal wer op myn skaed werom

ik wurd op'e kop krusige
myn oerskot steurt de telefoan