Trotwaer. Jaargang 1

[p. 8]

[Gedichten (vervolg)]

De wei nei de hel

moarn sil ik wer skriuwe
net wer kroech yn kroech út
of einleas geâldhoer mei freonen

moarns by 't wekker wurden
godfordomme wer in joun nei de knoppen
lit de boel barste ik forrek it langer
jan mei syn moaije smûsjes
en gerard to soademiterjen
lit se alline de hort op gean
of gewoan masturbearje

jow my mar in buordtsje
gelieve niet te storen
of tink oan it sikehûs
of om 'e houn
of donderje asjeblyft op

moarn sil ik wer skriuwe
ien wurd ien letter ien fers
it forrekt neat hwat

moarn sil ik wer skriuwe
al sil de ûnderste stien boppe
no teaching man will fuck me out