Tristant
(1980)–Anoniem Tristan–
[Folio ra]
| |
Tristant oc hen vntvinc
vnde vraged op weleke dinc
Hi quam also gerant
here sprac gene te hant
5[regelnummer]
Jc ben alse gi wal siet
en redder vnd anders níet.
Tristant ben ic genvomet
vnhiel heft mí verduomet
Jc hadd en wif erkorn.
10[regelnummer]
al dier werlt bevorn.
Te werltliker wunne
dars mí vnde mínen kunne
Grot laster an geschien.
ic mags hir wal begien.
15[regelnummer]
Si heft vntvuort di stolte
van dien verwornen holte
Di hefts ín sínen kastiele
herr vnd ic vare na hiele
Of ic dien iergen vunde
20[regelnummer]
di mí gehelpen kunde
Weder míner amyen.
dor dien wold ic vertíen
Muoder vnde vader
al dat ic hebb al gader
25[regelnummer]
Leged ic dur dien ín wage
vor alle míne mage
Sold ic hen halden ímmer
so dat ic heme nímmer
Mínen dienst nontsegede
30[regelnummer]
swar hît ioch op legede
Di hoge koníng artus
heft degene in sínen hus
Dar wil ic helpe suoken
tristant sprac wildis ruoken.
35[regelnummer]
So hebdi helpe vunden.
swat wi gedienen kunden.
| |
[Folio rb]
| |
[Dies] ware wi v geriet
[her]r íne verspreket níet
[Vnde] verdienet gerne
40[regelnummer]
[mi]nes níet tomberne
[Spra]c hi dies ic gere
[...]n died v gewere
[Spra]c tristant helpe morne
[di g]ene sprac echt met torne
45[regelnummer]
[Gi tie]d mí op vergevene
[gin]e komt te mínen levene
Niet rechte dunket mí;
mar tristant levede hi.
Di konde mí gelouen.
50[regelnummer]
hi wel mîs líves rouen
Di mí dat uersten duot
dar na so quelt mín mvot
Tristant di liet ongerne
dat ware na of uerne
55[regelnummer]
Híne ware tehant geriede
nv si dar got gebiede
Sín lieve suote siele
his manegen man tonhiele
Van derre werlt geschieden.
60[regelnummer]
an spellen vnd an lieden.
Klaget man noch sínen dot
dies werd dier werlde not
Mar of hi levede heden.
hi ware nv gereden.
65[regelnummer]
Dor mín erkouerunge
do sprac echt unse íunge
Mach v mín ylen uromen
ic duo mín harnas komen
Mín ors vnde míne wapen
70[regelnummer]
dat wi noch er wi slapen.
Maken uns dar hene
dat wold ic sprac di gene
Mar íne kan níet gedien
íne hebbe míne amyen.
75[regelnummer]
VNse held was gas geriede
dies gens ger geschiede
Alsus vuor ane scande
tristan[t ...]
Dien n[...]
80[regelnummer]
dies [...]
Jnt s[...]
dar [...]
| |
[Folio va]
| |
Nu hadde di burch here
grote macht vnd ere
85[regelnummer]
Vnde was wal seuede bruoder
redders dodes luoder
Vant man an iegeliken.
nv horet van d[i]en riken.
Her waren twie gereden.
90[regelnummer]
na redderliken seden.
Tuorníeren ín dat lant
her lif was prises pant
Swar man dien sold erweruen.
sín lieten níet verderuen
95[regelnummer]
Her loues an diere famen.
si kunden wal ge[ra]men.
An prise werender eren.
do di twie weder keren.
Van dien turnoyen wolden
100[regelnummer]
do ersagens unse holden
Tristant vnde tristant
si worden alte hant
Van desen twien bestan.
vnde mvoste schier ergan.
105[regelnummer]
D[at]si di komenden sluogen.
dot. dat mvoste wruogen.
Te hant dier knech[t]e ruopen.
ín dier buorch do scuopen
Di anderen sic tewere.
110[regelnummer]
te wrake stuont her gere
Dies rande manech man.
di twie tristand an.
Dies was starc di batalie
do bogede manege malie
115[regelnummer]
Di held van Armonye
dien hielt wal companíe
Met helpe sín geverde
di genre dodes gerde
Di hem sín wif benamen.
120[regelnummer]
hen stuont te manegen ramen
Di were van dien dage
dar vuor slach weder slage
An schild vnd an halsperch
[...]
| |
[Folio vb]
| |
[...]
vnde hi quam kume dan
125[regelnummer]
Dar hi vant kardínen
di gínc do dat wal pínen
Dat man hem bant di wunden
do sît gelubbe vunden.
Do mestrosten síne
130[regelnummer]
DO nam hi kaerdíne
hemlic an sinen rat
gi siet wal wiet mí stat
Sprac hi geselle mín.
ic mvot dies dodes sín
135[regelnummer]
Gíne wilt mí trowe schienen
íne hebbe níet mer enen.
Trost tv desen díngen
mogedi mí dien bringen
So mach ic noch genesen.
140[regelnummer]
Nu suldis ulitech wesen.
Als ic v wal getrowe
di koníngín mín urowe
Ysolt di wal bedachte
di heft menegerslachte
145[regelnummer]
Saluen vnde krût
dat mí wal tien sold ût
Et gelubbe van dier wunden
of wi si hebben kunden.
Si kan van arzedie
150[regelnummer]
so scone sprac di vrie
Dat ic genase schiere
of di geslachte fiere
Tvo mí gerochte komen
gi hebbet oc wal vernomen
155[regelnummer]
Wi her mvot stat tvo mí;
nv wold ic vrient dat gi
Te Cornewalie vuoret
dar gi dat schier ervuoret
|
|