Spel van Abraham en Sara

[Spel van Abraham en Sara]

[fol. 1v]

 

Sara tot Abraham:

 

Gherne here mijn,

 

Het sal op een korte riede sijn.

 

Haestelick ende sonder verdriet,

 

Sal ic laten doen, dat gij gebiet.

 

Sara tot Agar, oer macht:

 

Agar, ic heb vernamen,

 

Dat mijnen heren synt gaste avercomen.

 

Haestu in Gads vrede

 

Ende maket dat beslach van tarwen riede.

 

Sara tot Abraham:

 

Here mijn, dat broet is hier,

 

Het heeft gehadt gueden tier,

 

Het is abel ende bequaem,

 

Ic hape, het sal hem sijn aengenaem.

 

Dit hoert Sara van veerst staende achter die doer ende sie lachte daerome, ende secht Sara:

 

Nadien dat ic bin worden oelt

 

Ende mijn bloet is al vercolt,

 

Ende ic weet ende byns gewys,

 

Dat mijn here oeck herde oelt is,

 

Zal ic in mijnre oeltheid werden verhoechet,

 

Als doe ic was in mijnre joecht.

 

Sara hoert dit ende secht:

 

Here, wat ister geschiet,

 

Ick en lachte niet.

 

[...]