Sommighe leerachtighe geestelijcke liedekens
(1609)–Anoniem Sommighe leerachtighe geestelijcke liedekens–
AuteursrechtvrijSingt met aendacht.God die der Goden Heer is spreken sal,
En t'samen roepen dat gants aertsche dal
Van den opganc tot den nederganc breet,
2 Wt Zyon comt God die daer is becleet
met heerlijcheyt en schoonheyt hooch gepresen,
Onse God comt die niet stille sal wesen.
Voor hem gaet een fel verslindende vyer,
Een groot onweder comt met hem tot hier.
4 Hy sal hemel end aerd aenspreken wel,
End sijn volck rechten segghende, seer snel,
5 Versaemt my mijn heyligen die met v'trouwen
Offeren end myn verbont onderhouwen.
6 En ghy Hemels, sulc melden overbreyt
Gods, des rechters groote gherechticheyt.
7 Hoort mijn volc ic spreec u an int gemeen,
Ick ben u God daer is oock anders gheen.
8 Ick sal u niet straffen om u offranden,
Die ick hebbe gheeyscht van uwen handen.
9 Van u yet te nemen heb ick gheen noot,
Ossen noch Bocken tzy cleyn ofte groot,
10 Want al dat vee der bosschen dat is mijn
Oock de dieren die met duysenden zijn
11 Op den berghen, ja de voghelkens cleyne,
En ghedierte des velts is mijn alleyne.
| |
[pagina 154]
| |
12 Al hongherde my ick en seyd' u niet,
Want d'aertrijck is mijn met al datmen siet,
13 Meent ghy dat ick ossen vleesch eten moet
Of tot dranck behoeve der bocken bloet.
Neen ic: 14 maer offert dannsegging met singen
End wilt u beloften doen en volbringhen.
15 Roept my aen, en ick sal u inden noot
Helpen, en ghy sult mijn naem maken groot.
16 Maer God spreect de schalcken aen seer v'stoort
waerom v'condicht ghy also mijn woort
En neemt mijn bont in uwen boosen mont
17 Dewijl ghy mijn straffe haet in den grondt
Na dat ghy ooc hebt mijn gebodt v'smaet
18 En als ghy noch een dief siet met hem gaet
Dient zijt ghy ghelijck ja oock toeghedaen
Van rebrekers wilt ghy u niet ontslaen,
10 Den mont opent ghy tot schanden en smaden
V tonghe can niet dan lieghen en schaden.
20 Ghy sit en relt van uwen broeder quaet
En met achterclap ghy hem seer belaet,
21 Dit doet ghy, en om dat ick swijghe stil,
Ghy meynt dat ick u gelijck wesen wil,
Maer ick sal u noch onder ooghen stellen,
V sond' en u daerom straffen en quellen.
22 Och wilt doch dit mercken en wel v'staen,
Ghy die God gantsch vergeet hoort dit v'maen
Op dat ghy niet sonder hulp haest vergaet,
23 Die danckoffert die eert my metter daet,
spreect God, en die desen wegh gaen en treden,
| |
[pagina 155]
| |
Sullen mijn heyl overcomen in vreden.
|
|