Sommighe leerachtighe geestelijcke liedekens

[O lieve menschen over al]

Nade wijse: Van den blinden man.

Singt met aendacht.

O Lieve menschen over al,
Ter werelt hier int aertsche dal
V dies niet roemt,
Alle Christenen te wesen,
Om dat ghy Christen zijt ghenoemt.
^a 2 Betert ghy niet u leven boos
den naem helpt u niet altoos,
Ghy moet vergaen,
Also Christus heeft ghesproken,
^b Om boete te doen weest niet beraen.

Den naem en sal u ghelden niet,

⁺ Ten zy dat ghy na schrifts bediet,
⁺ Wt Godes woort,
^c Van nieuwe zijt wedergeboren,
⁺ En gaet na sijnen wille voort.
^d 4 Zijt ghy niet als Christus ghesint,
Den naem is als een hant vol wint,

a Luc. 13. 3.

b Mat. 3. 1. ende 4. 7.

+ Mar. 1. 15.

+ Luc. 3. 3.

c Ioa. 3. 3.

+ 1. Pet. 1. 23.

d Phil. 2. 5.

[p. 149]

 

Een ydel waen,

 

Als hoop op een distel bloeme,

 

die van den wint wech stuyvet saen.

 

5 Wat mach helpen den bloten naem,

 

Zijt ghy gheen lidt aen sijn lichaem?^e

 

Gheaert alst hooft,⁺

 

Ten mach u lien al niet baten,⁺

 

Anders sijn eer hem ghy berooft.

 

6 Wat hielpet doch den Pharizeen

 

Dat sy daer roemden int ghemeen,

 

Opt selfde pas,

 

Dat God was haer lieder Vader,

 

Christus seyt dat den duyvel was.^f

 

7 Die u o menschen doet verstaen,

 

dat niet den name wel sal gaen,

 

Segg' ick ghewis

 

Met Christo onsen Heere

 

dat hy en valsch Prophete is.

 

8 Die het volck in haer boosheyt stijf,

 

Ophouden door al sulck bedrijf,

 

Met leughens groot

 

Segghende daer is goede vrede,^g

 

Nochtans veel meer d'eeuwighe doot.

 

9 Want so ter werelt, wijt en breet

 

de menschen niet en draghen leedt,

 

Goet en oprecht,

 

Van haer lieder voorleden sonden,^h

 

Tis al verloren vre gheseght.⁺

 

10 Een Christen moet ghestorven zijn,⁺

 

Dees werelt ergher dan fenijn

e Ro.12. 5.

+ 1. cor. 12. 27.

+ Colo. 1. 24.

f Ioa. 8. 44.

g Ezech. 13. 10.

h Ro. 14. 7.

+ 2. cor. 5. 15.

+ Gal. 2. 20.

[p. 150]

 

En leven God

 

Almachtich, na Pauli leere

 

Al wort hy al des werelts spot.

 

11 Een Christen moet, o menschen blent

 

Dees werelt zijn so different

 

Als dach en nacht.

 

Als een licht in deser werelt

 

ⁱ Lichten in dit verkeert gheslacht.

 

12^k Een Christen van ghemoede nieuw

 

⁺ Segt dese boose werelt adieu

 

^l Ende hem scheyt

 

Van alle hare boose weghen

 

Als van een vuyl onreynicheyt.

 

13 Een Christen niet liever en heeft

 

Op dees werelt dan al dat leeft

 

Met herten reyn

 

T'zy ghelt, goet, seer hooch verheven

 

Dan Christum sijnen Heere alleyn.

 

Een Christen, dits een woort als duyst

 

Die moet sijn vleesch hebben gecruyst

 

^m Met sijnen lust

 

⁺ Ende ooc met sijn begheerten

 

⁺ Dat is, dat hy van boosheyt rust.

i mat. 5. 16.

k esd. 4. 23.

+ Phi. 2. 15.

l Sap. 2. 16.

m gal. 5. 24.

+ 1. Pet. 2. 11.

+ Rom. 13. 15.