Sommighe leerachtighe geestelijcke liedekens

Den 13. Psalm.

Singt met aendacht.

Hoe lang hebt ghy besloten Heer
My te vergheten also seer?
Salt altijt zijn end nemmer enden?
Wilt ghy u van my eeuwich wenden?
Die benaut den so lange so meer.
2 Hoe lang sal noch dat herte mijn,
Vol van angst end van smert zijn?
End daertoe vol sorghen met desen?
Hoe lang sal mijn vyant noch wesen
Mijn verwinner tot mijnder pijn?
3 Aensiet my, God, ghy zijt mijn cracht,
Troost mijn hert, dwelck u doet sijn clacht,
Wilt mijn duyster ooghen verclaren,
Dat ick in den slaep niet moet varen,
Des boots, end daer blijde versmacht.
4 Op dat hy die my sterck bevecht,
Niet segg hy is neder gheleght,
En dat de vreucht mijner vyanden,
Niet dobbel werde t'mijnder schanden,
Siende den val van uwen knecht.
5 Op u Heer, staet mijn hoop alleyn,

[p. 38]

 

Neemt wech mijn cruys en noot nietcleyn,

 

Wilt my uwe vreucht wederbringhen,

 

So sal ick u loven met singhen

 

Voor u weldaden int ghemeyn.