Sommige geestelijcke, christelijcke liederen ende lof-sangen


Troost-Liedt. 1. Ick weet dat mijn Verlosser leeft, Mijn Vyanden hy verdelght heeft, Oft ick schoon menighwerve Niet een kan my doen schade, Heb Sond gedaen, en sterve: Soo groot is Godts ghenade, Die welck my sijnen lieven Soon Iesum Christ heeft gheschencket, Niet lievers was in sijnen Throon,
[pagina 37]
Hier aen mijn hert ghedencket. 2. Hy sal hier-na uyt d’Aerde my Met ‘t lijf weder verwecken, My sal gheen vyandt schricken: Hel, Duyvel, doodt, of wattet zy Dat teghen my komt strijden Vernielt hy met sijn lijden. Trotz! dat hem yet my teghen-stel, Vertreden is de Slange, O Heer mijn Ziel ick u beveel, Troost vint by u de Bange. 3. Tot u heb ick mijn Hoop ghericht En werde niet bedroghen, Helpt der Ieucht onvermooghen, Op datse door u woordt verlicht, Christen worden, en blijven, D’Hemelsche goed’ren lieven, Saligh voleynden desen tijdt Met dien, die uwen Namen Bekennen, en eeuw’lijck jolijt Met u aenschouwen, Amen.