Van der sielen ende van den lichgame (1980)

Van der sielen ende van den lichgame

(1980)–Anoniem Van der sielen ende van den lichgame– rechtenstatus

Auteursrechtelijk beschermd


[Van der sielen ende van den lichgame]
[Folio 60ra]
1[regelnummer] Dat dien meest duegden sijn ghegeuen Dat ghod eehst oec meest van hem Recht ende redene entie scrifture Ropen dit selue al ouer al 5[regelnummer] Dus salt di witen in elker v[r]e Onse here meer dar hi mi sal Want redene ende verstannesse Heeft di ghegeuen ghod onse here Wlmaecten sijn ghedinkenesse 10[regelnummer] Ende oec te leuene embermeere Dar du sculdech wars mede Den quaden wille te wederstane Ende gode ghewerke in elke stede Te b<e>gharne ente anegane 15[regelnummer] Na dien da[tti] onse here ghot Dus vele duegden heeft ghegeuen Twi wrochstu na min ghebot Dat ti in sonden dede sneuen Ende mine smekinghe ende min beheet 20[regelnummer] Dat so ne wederstontstu niet Dat heeft ons beeden in groet leet Brocht. ende in wel suvaer verdriet Dus eist kinlech sonder waen Alder werelt bi wareeden 25[regelnummer] Dat tu meer vele heefs mesdaen Dan ic doe in allen steden Wat eist vlesch wel lieue care Alse de siele der buten es Nembermeer roert het der nare 30[regelnummer] None siet none sprect sijt seker des
[Folio 60rb]
Tvlesch mach doen niet een tuint Bi hem seluen de siele doet leuen Du dinchs mi dulre dan een kint Dat tu mi opties onse sneuen 35[regelnummer] Hadstu ghode wlmaectleke Ghemint ende ghedaen eere Te derre pine [se]kerleke Waer wi niet comen nembermeere Als hic leefde op aerderike 40[regelnummer] So wasic een hoeuerdech man Ende at ende d[r]anc verwendelike E[nde go]udine cleder droeghic an Wa[t] es nu bleuen sech op mi Van deser groeter verweenthede 45[regelnummer] Dit nauwe huus dar ic in zi Ne knaghen de worme niet mine lede Ende darto onverwinlec stanc Die mi torment oec harde sere Dit es de loen dit es de danc 50[regelnummer] Die na de welden gheft onse here Oec wetic wel dat ic verrisen Sal te domesdaghe sonder wanc Ende metti in alre wisen Ghepijnt sijn inder hellen stanc 55[regelnummer] Dan eerst salic steruen metti O wi wat yseleker dode Die sonder ende sal pinen mi Metti dan inder hellen node Die arme s[ie]le riep mettien 60[regelnummer] Met eere s[te]mmen ontfarmelike
[Folio 60va]
Ay mi tuuj moeste dat ghescien Dat hic noit leuede op aerderike Die stomme beesten mogen wale Louen ghode van hemelrike 65[regelnummer] Har gheest hi sterft alte male Metten vlessce op aerderike Na ha<e>r doet ne warsi niet Ten onverwinleken meswende Vergaue ghod die alle dinc siet 70[regelnummer] Dat dus daen ware der quader ende Na dese worde sprac die lichgame Toeter zielen die vor hem stont Sech mi ofti es bequame Waerstu inder hellen gront 75[regelnummer] Of tu wars inder hellen noede Ic bidsti wat vernaemstu daer Donsaelghe sielen sulsi van gode Genade vinden noch hier naer Seghe mi van den edelen lieden 80[regelnummer] Ende van den riken op aerderike Dien alsi leefden haer maisnieden Dienden hem sere oemoedelike What gheredemen dar den riken Ende de edele wat hebben si te lone 85[regelnummer] Die al de werelt hem daden wiken Alse zi saten in haren throne Sech mi of men menstse verloesen mach Met peninghen of met andren ghode Dat si gaderden m[e]enghen dach 90[regelnummer] Met swarre pine ende met aermoede
[Folio 60vb]
Die siele spac te haren gheselle Die hare iamberleke mesliet Wie so ghewijs wert ter helle Danen machi comen niet 95[regelnummer] De hope van verloessinghen Hebsi verloeren dats warhede Alemoescenen no bedinghen Ne connen hem ghehelpen in die stede Alwar dat ghode baden 100[regelnummer] Alle de heelghe liede ghetrovwelike En tadt vaste in allen staden Tvolc algader van aerderike Ente waerelt ghaue al haer ghoet Om enen die inde helle es 105[regelnummer] Het ware nochtann[e t]cheghen spoet Dat men pinde dies sijt ghewes De duuel ghaue ene siele niet Om al dat seluer entat ghout Dat ghod noch nie werden liet 110[regelnummer] Die hi heft in siere ghewout No hine ghedoeghede niet dats war Dat soe sonder pine eene wile ware Om .m. marc van ghoude claer So wreet es hi altoes op hare 115[regelnummer] Vp dat tu vraghets antwordic ti Wat men den riken gheredet dar Enten edelen oec gheloeft des mi Want het es ghescreuen ende het es waer So wie so edelst ende rijst es 120[regelnummer] Ende dar toe van groeter maisniede

Over dit hoofdstuk/artikel

titels

Van der sielen ende van den lichgame