Van sente Eustace

(1980)–Anoniem Van sente Eustace– rechtenstatus


[Van sente Eustace]
[Folio 154ra]
<Alse hi ouer dat water quam>; Tkint setti opten oeuer neder Om dander kint so ghinc hi weder Alse hi quam in midden dier riuiere 5[regelnummer] So sach hi daer doe wel sciere Wel sere loepen enen liebaert Met sinen kinde te bossce wart Doe wantroesti hem seluen sere Ne waer bi den wille van onsen here 10[regelnummer] Quam hi te hem seluen weder saen Doe soudi vort hebben ghegaen Om dander kint dat daer noch stoet Jn danderside ouer die vloet Doe quam geloepen tier seluer stont 15[regelnummer] En wolf die in sinen mont Ghegreep sijn kint ende wech droch Alse hi dat sach hem seluen hi sloech Hi wranc sine hande ende trac sijn haer Ende dreef harde groet mesbaer 20[regelnummer] Hi wilde hem seluen hebben sin leuen Ghenomen ende in dwaeten sijn bleuen Ne waer onse here sine gratie seende Jn [hem] so dat hi hem bekende Entat hi vten watre ghinc 25[regelnummer] Sonder te doene quade dinc Nv latic van eustaese al stille E[n]de vort nu hier segghen wille Alsoe hic in de scriftu[r]e las Hoet der naer met sine[n] kindren was 30[regelnummer] Alse die liebart hadde [ghe]nomen Sijn een kint doe hadd[en]t vernomen
[Folio 154rb]
Herden; die dar waren op die heide Die een doe toeten andren seide Laet ons volghen naer ter vaert 35[regelnummer] Met onsen honden na desen liebaert Hic hope an ghode dat wine saen Sullen hebben van dien kinde gedae[n] Die herden volgeden naer wel sere Dat dede ghod onse lieue here 40[regelnummer] Die liebart saen dat kint hi liet Neder vallen so dat het niet Ghequetst was in eengher stede Want; scoene miracle ghod daer dede Dat kint doe die herden namen 45[regelnummer] Met hem sijt leeden dan si quamen Daer naer stappansstede sijnt So nam een wolf dat ander kijnt Doe quamen gheloepen die acker lieden Die den wolf doe van hem scieden 50[regelnummer] Ende quetsinghe ne hadde oec ne gene Niewerinc no groet no clene Si namen dat kint bider hant Ende leedent met hem altehant Dus waren si verloest tyer noet 55[regelnummer] Die kinder bede ende van der doet Hier af ne wiste niet eustaes Bedie so riep hi dicken aylaes Hi wiste l[ett]el waer si waren Ende sine kinder ghevaren 60[regelnummer] [Hi] waende w[...] Dat si doet waren [...]
[Folio 154va]
Doe ghinc hi wech van dier riuiere Alse hem die quade felle diere Sine kinder hadde ghenomen 65[regelnummer] Die met <hem dar> waren comen Evstaes ne wiste waerwaerts gaen No hine wiste wat onderstaen Wachgarmen segt hi nv bem hic bloet Van ghoede ende van kinren oec 70[regelnummer] Ende groete weelde hebbic gehadt Ay dies so hebbic lettel debat Groete eere ende werdechede Dede men mi in elker stede Ay mi bemmic te vernoie sere 75[regelnummer] Ende hic was meester ende here Van algader skeisers houe Ende oec van den besten loeue Met groeten gheselscepe altoes hic plach Te ghane daer op elken dach 80[regelnummer] Wach. ende nu allene hier stae Ende achter woghe dvelende ga Nv so biddic v ghod [...] Dats v ontfaerme [...] Ende oec van miere aermoede 85[regelnummer] So dat hict nemen moete [te moe]de Hic biddu oec doer ghenaden Dat ghi mi helpt hier beraden Ende dat ghi na [dit] corte leuen Diere stede [..]hende moete geuen 90[regelnummer] [...]ne temp[tacien] [...] mine tribulacie[n]
[Folio 154vb]
Die dinken mi meerre wesen tewaren Dan iobs tribulatien waren Al verloes hi sine richede 95[regelnummer] Nochtan bleef hem ghoede steede Daer hi op sat in siere noet Dar was hem soccors so groet Dat selue vernoi nu altehande Ghedoeghic hier in vremden lande 100[regelnummer] Hi hadde vriende die totem quamen Entye sijns daer ghoem wel namen Daer hic nu bem in dese woestine Daer mi in lange staet te sine Onder dese beesten die hier woenen 105[regelnummer] Die mi mine kinder hebben ghenomen Hic ne hebbe ander toeverlaet Here dan v helpt mi nv ende beraet Al waren iobs kinder te doet gheslegen Hi hadder doch sijn wijf der scieghen 110[regelnummer] Die hi dicken bi hem sach Ende sciegen hem te spekene plach Hic ne hebbe no wijf no kijnt Ne mach oec die mi mint N[o] eenghe vriende die mi nu mochten 115[regelnummer] [Va]n groeten rouwe versochten Aldus so bemmic hier in [e]re wise Ghelijc den ouden daghen lise Daer ne lo[pen] no vluch[t]en ghaet Ende al vel[e] horen [...] ghaet 120[regelnummer] Aldus [mee]nghe sware claghe [...]aes binnen dien daghe
[Folio 155ra]
Wellieue ghod jof ghijt ghebiet Nv ne moeti ontwaerden niet Mine sprake ende mine tale 125[regelnummer] Die ghi van mi ghehoet hebt wale Noch biddic dat hic minen mont Wel wachten moete in alre stont Van alre quader boeser sprake Scieghen hiemene in eneghe sake 130[regelnummer] No daer hic mede mesdoen mach Scieghen v hier nacht no dach Alse eustaes al dese woert Hadde gheseit doe ghinc hi vort So dat hi quam in ene stat 135[regelnummer] Dar hi dor noe[t s]ijn broet bat Ende doe stapp[ha]ns hi daer sochte Hoe hi sijn broet verdienen mochte Dadesse die port ghehen was Alzo hict inde scrifture las 140[regelnummer] Alse hi een stic dar hadde gheweest Also ment inde scrifture leest Doe gauen hem alle van dier steede De achterwaerne hare weede Ende oec hare coeren ende hare lant 145[regelnummer] Dar nam hi toe ware altehant Van jaer te iaere gaf men hem huere Die wart hem daer wel sere te suere Al ombekint was hi dus daer Jn haren dienste viftijn iaer 150[regelnummer] Sine kinder die hi te voeren Dar wel waende hebben verloeren
[Folio 155rb]
Si woenden in een doerp te gaeder Maer dat si hadden enen vader Dies ne wiesti niet een twint 155[regelnummer] Alzo si daeden daer naer noch sijnt No dat si hadden eneghe moeder No dat teen was sanders broeder Alse die scipman hadde ghenoemen Eustaes wijf die met hem was comen 160[regelnummer] Hi voeretse met hem altehande Jn dat scip te sinen lande Van dien daghe dat soe doe sciet Van haren man soe ne wassoe niet Besmet van enegher onsuuerhede 165[regelnummer] Van eenghen man in eengher stede Want soe bat ghode oemoedelike Dat soe leuen moeste suuerlike Ghod onse here hi haelp dier vrowe[n] Om dat hare bede was ter trouwen 170[regelnummer] De scipman die die vrovwe te wiu[e] Hadde ghenomen te sinen liue Hine ghenaectare noit dach no nac[ht] Dat was al bi ons heren cracht Die scipman starf so bleef allene 175[regelnummer] Ende met niemene vand soe gheme[ne] Die boec hi segt ons ouer waer Dat sent gheuiel wel saen der naer Jnt lant dar die vrovwe was Daer hic v hier te voren af las 180[regelnummer] Dat b[od]en quamen met langen h[...] V[..] vanden lande met groeter [...]
[Folio 155va]
Si uoeren haerre vaerde te hant Van roeme totins keisers lant Alse dat die keiser doe vernam 185[regelnummer] Dat dat volc in sijn lant quam Diene wilden destruweren Ende van sinen liue deeren Hi wart droeue in therte binnen Om dat si dlant wilden winnen 190[regelnummer] Do quam hem te voren in sinen moet Dat placijs die reddre was ghoet Die hem dicken ute sinen lande Verdreef algader sine vrient Hi hadde groet wonder waer hi so saen 195[regelnummer] Mochte te niewete sijn ghegaen Ende sine kinder ende sine vrowe Dies so haddi groeten rouwe Die keiser dede vor hem ontbieden Sine ridders ende sine lieden 200[regelnummer] Doe vraegdi dien riddren om placise Of si iet wisten in eengher wise Waer hi mochte wesen gheuaren Dat sijt hem seiden sonder sparen Dar was niemen die sprac en wort 205[regelnummer] Want sine wisten draf niet hort Doe sprac die keiser ende seide Tote vwen ruddren sonder beide Ghi heren hic wille dat ghi vaert Ende ghout no seluer niene spart 210[regelnummer] Ende vart int lant al oue[r da]l Ouer bergh ende ouer [al]
[Folio 155vb]
Ende soect placise minen vrient Die mi heeft oit wel ghedient Totin dat ghine vinden moegt 215[regelnummer] Ende diene vint hic sal hem doegt Gheuen ende doen waerdechede Meer dan hic te voeren dede Die ridders doe ne lietens niet Sine voeren daer die keiser hiet 220[regelnummer] Wel corteleke gheviel dar naer Dat die ridders in torp dar Daer eustaes was ghereden quamen Nv willic v segghen hare namen Die een antiote gheheten was 225[regelnummer] Alzo hict inde scr[ift]ure las Die ander ruddre [.]cachijs Dat wiste wel die ghoede placijs Si hadden sine rudders gheweest Also ment inde scrifture leest 230[regelnummer] Alse eustaes die rudders vernam Stappans stede intherte hem quam Ende oec mede in sinen moet Die groete here ende tgroete goet Dat hi hadde daer tevoeren 235[regelnummer] Ende bi ongheualle verloeren Doe versuchti harde sere Ende seide ghod wellieue here Noch so moetic sien mine vrowe Also hic hier dese ridders scowe 240[regelnummer] Daer hic lettel op hoepte nu Wel soete ghod dies biddic v
[Folio 161ra]
Eustaes ende sine riddersscap Met harder groeter bliscap Ende allineen danctis blidelike 245[regelnummer] Onsen here van hemelrike Daer naer eustaes al onderdede Sine viande ende vincse mede Ende al van barbarien tlant Dat wan hi al met sire hant 250[regelnummer] Ende tfolc was al te sinen wille Daer hi was beede lude ende stille Doe nam hi seluer ende ghout Ende ander ghoet in sijn ghewout Ende groete haue meengher hande 255[regelnummer] Ende kerde weder te sinen lande Met groeter bliscap in groeter glorie Maer ember haddi in sine memorie Jhesus kerste van nazarene Dat hi vrai ghod ware allene 260[regelnummer] Eer doe eustaes te lande was comen So hadde de keiser de doet genomen Dien hi ghesont ende leuende liet Doe hi vten lande sciet Doe was dar een ander ghedaen 265[regelnummer] Die men hiet de keiser adriaen Hi was felre dan traiaen was Also ment inde scrifture las Alse die nuwe keiser do vernam Dat evstaes van den wighe quam 270[regelnummer] Met sinen kindren met sinen wiue Ende onghescent van sinen liue
[Folio 161rb]
Doe voer hi sceghen hem met groeter feeste Ende oec van roeme alle die meeste Si ontfinghene wel blidelike 275[regelnummer] Met al den volke ghemeenlike Die keiser gheboet doe dat hi wilde Dat men eene warscap hilde Van eustaes wiue ende sine kinder Die so waren vonden ghinder 280[regelnummer] Daer ombe so hildsi in die port Alle utermaten feeste groet Waerbi dat noit was inde stede So groete feeste ghehouden mede Die keiser opten andren dach 285[regelnummer] Ghinc inde kerke daer hi in plach Te anebeedene sinen ghod Dat was apollo dar hi ghebot Af dede; ende hilt in alre tijt Dies was hi wel vermaeledijt 290[regelnummer] Ende om te doene sine offrande Na den zede van den lande Eustaes bleef buter kerken staende Ende adriaen die keiser waende Dat hi hem gheuolghet ware 295[regelnummer] Alse die keiser wart gheware Doe riep hi eustace ende seide Met swaren moede sonder beide Wat eist eustaes warumbe twi Ne doedi vwe ghebede met mi 300[regelnummer] Ende vwe offrande niet ne gheeft Onsen ghod die v gheholpen heeft
[Folio 161va]
Van vwen sere van vwen rovve Ende vwe kinder ende vwe vrowe Wanet eweleke hebben verloeren 305[regelnummer] Evstaes antworde harde wel Ende seide ic anebede niemen el Dan den soeten ihesuse van nazarene Die dese warelt maecte allene Ende hier bouen oec den troene 310[regelnummer] Dart in doet wesen oec so scoene Dat tonghe neghene vertellen mach iet De groete bliscap die men dar siet Dien willic dienen met miere macht Bi siere ghenaden dach ende nacht 315[regelnummer] No andren ghod no dienen no sien So wat so mi draf mach gescien Do seidi noch her keiser here Ghi dinct mj doelen harde sere Want hic bem seker ende ghewes 320[regelnummer] Dat v ghod el niet ne es Dan dasscen sijn van den viere Die comen ende verghaen wel sciere Alse dus die keiser adriaen Evstaes worde hadde verstaen 325[regelnummer] Hem verwandelde al sijn moet Tornech sere ende gram hi stoet Doe dedi eustace dat ghordel sijn Van hem doen; ende ridders tekijn Alle viere dede hise vor hem staen 330[regelnummer] Dar wart hi harde ongedaen Hic seggu allen noch daeddi bet
[Folio 161vb]
Dat ghi wilt houden onse wet Ne doedijs niet bi miere trowen Het sal v allen sere berouwen 335[regelnummer] Doe seiden si weder alle viere Dien quaden keiser harde sciere Dor ghedrech no dor ghebot Ne gheloef wi nember an andren ghod Dan an ihesuse van nazarene 340[regelnummer] Die warechtech ghod es allene Ende here van den paradise Hem willen wi dienen in alle wise Alse dat die quade keiser horde Doe seidi harde sware worde 345[regelnummer] Om dat si niet ne wilden sceden Van haren ghod doe dedise leeden Jn een plain alle viere te samen So datter vele liede quamen Dar dedi doe met hemlieden doen 350[regelnummer] Enen wreden fellen lioen Diese dar soude hebben verbeten Dies haddi hem wel sere vermeeten Dat hise van den liue soude roeuen Ne wilden si an sinen got niet gelouen 355[regelnummer] Die liebart al omtrent ghinc Wel vriendeleke sonder eenge dinc So dat hi woch kerde ende sciet Van hem lieden ende dedem niet Alse die keiser sach dat wonder 360[regelnummer] Dat si so waren bleuen sonder Quedsinghe doe van dien liebart

Van sente Eustace

[Van sente Eustace]

Over dit hoofdstuk/artikel

titels