Van sente Aeghten

(1980)–Anoniem Van sente Aeghten– rechtenstatus


[Van sente Aeghten]
[Folio 165ra]
Te onsen here diese ghewrachte Ente haren euenkerstijn mede So plach meengher ghoeder zede Soe was wetende van vroeden rade 5[regelnummer] Ende altoes wassoe ghestaede Jnde wet van kerstijn heit Daer soe omdoegde aerbeit Die an hare wart bekent Jn meenghen groeten torment 10[regelnummer] Die haere lichgame ghedoegde Bedi dat soe anghode gheloefde Soe ne rochte niet wat hare gebrac Dor ghode enter zielen ghemac Jnden cloester dar zoe in was 15[regelnummer] Gharne soe van ghode dar las Hare ambacht dat soe leerde Ende hare herte altoes soe kerde An doegdeliken dinghen Die zoe altoes wilde vvlbringhen 20[regelnummer] Bi hulpen van den heleghen gheest Die hare troest was alremeest Als soe iet at ofte dranc Dat docte hare wesen harde lanc Want soe garne hadde gelesen 25[regelnummer] Of anders in ghods dienste wesen So dede wel dicken hare ghebede Altoes in hemelliker stede Aldaer niemen haers nerochte Diese hiet beletten mochte 30[regelnummer] Dar bat soe ouer kerstineit Ende ombe der sielen salecheit
[Folio 165rb]
Ende dat se ghod moeste ghesterken Jn duegdeliken ghewerken Daer hi hare gaerne halp toe 35[regelnummer] Bede spade ende oec vroe Alse hi den ghenen altoes doet Die an hem keren haren moet So liet de weelde van aerterike Omde bliscap van hemelrike 40[regelnummer] Ende alle warelike ghenoecte Ombe der sielen gheuoechte So liet aertscen riken roem Om den eweliken doem So liet des vleschs onsuuerheit 45[regelnummer] Om der zielen reinecheit Ende om de minne ghods ons heren Diese bi siere heelgher leeren Jn meenghen vernoie vertroste Ende vte meengher noet verloeste 50[regelnummer] Ende oec dedi hare wlleeste So dat van den heelghen gheeste De gracie hare was so met Dat soe leefde ie lanc so bet Doe sent aeghtte die suuer ionnfrowe 55[regelnummer] Die ghods vriendinne was getrowe Aldus gheweest hadde wel daer Hic ne weet hoe menech jaer S[o] verees het een heidin coninc Dat aldus ware dese dinc 60[regelnummer] Die quintianus was gheheten Vernemt wel hic doe veten Een deel der zeden die hi plach
[Folio 165va]
Ende de richeit die an hem ghelach Dat ghire bet sult na verstaen 65[regelnummer] Van dat hic hier sal anegaen Qvintianus die quade tyran Hi was een gheweldech man Also wi vinden inden latine Edel gheboren van sarrasine 70[regelnummer] Coninc endoec conincskint Na dien dat men ghescreuen vint Hi hilt algader in sine hande Dmeeste deel van den lande Dat scielien toe behoert 75[regelnummer] Jn menech lant in meenghe port Ghinghen sine banne ende sine gebode Met sier herten haetti gode Ende was altoes oec ombequame Daer hi hoerde nomen ghods name 80[regelnummer] Hi ende oec alle de zijne Die wle quade sarrasine Si anebeeden caluer onreene Die ghemaelt waren van steene Oec van seluere of van goude 85[regelnummer] Alzo die coninc selue woude Si aenriepense ouer ghod Doe quintianus die wle sot Die onghenadeghe vrede tyran Dat ongeloeue dus groet ghewan 90[regelnummer] Dat hic ghesegghen niet ne [ma]ch Doe sat hi op vp enen dach Ende dorreet algader sijn lant Daer hi eenghen mensce vant Die an ghode gheloeuen dorste
[Folio 165vb]
95[regelnummer] Dien so gaf hi onlanghe verste Hine dedene snieme ontliuen Den man daer metten wiuen De iunghe metten ouden Met pinen sijt ontghouden 100[regelnummer] Doe hi weder te houe quam Ende hi de warheit vernam Dat sente aghate de ghoede Diende seere met oemoede Ende minde onsen heeren ghod 105[regelnummer] Ende hilt ghaerne sijn ghebod Ende an hem hilt haer ghedochte Ghestade bi daghe ende bi nachte Hic wane dat dese niemare Hem was te hoerne harde sware 110[regelnummer] Want hi was fel ende vvreet Ende alle doeght was hem leet Meenghen raet dat hi rochte Hoe hi die ionghe maeghet mochte Bi engher boeser leeren 115[regelnummer] Vte haren ghoeden wille gekeren So dat soe kerste soude laten Ende sine wet algader haten Ende anebeeden sine afghode Ende staen te sinen ghebode 120[regelnummer] Ende hise dan nemen soude tewiue Dor de scoenheit van haren liue Dat was sijn vterste raet Doe dit ghepens hadde die quaet Qvintianus die quade tyran
[Folio 166ra]
125[regelnummer] Hi dede roepen twe siere man Die van heme hilden leen Hi hietse gaen onder hem twen Ende dat si mede oec ane daden Hare wapenlike ghewaden 130[regelnummer] Ende si hem die maegt sochten Ente sinen houe brochten Er si kerden sonder blijf Also lief alse si hare lijf Hadden te behoudene ende hare ghoet 135[regelnummer] Twe seriante euele ghemoet Die dat ghebot doe vernamen Toeten coninc dat si quamen Si waren stout ende coene Ende altoes ghereet te doene 140[regelnummer] Dat hi gheboet ende hiet Doe ne wilden si langher letten niet Elc gheredden so hi best can Ende daden hare wapine an Bede acotoene ende spaweliere 145[regelnummer] Ende halsberghe harde diere Wapenrocke ghoet der bouen Dit was waerheit ongheloeghen Cautchone dat si oec bonden Doe namen si ten seluen stonden 150[regelnummer] Bede scilt ende swaert Doe ghinghen si te cloestre waert Dar die ioncvrowe binnen was Ende hare venie te ghode las Jn ene capelle dat sise vonden 155[regelnummer] Biden aermen dat sise pronden Ende seiden aeghte du best gheuaen
[Folio 166rb]
Die maegt wart bleec ende ongedaen Want soe ne conste gheweten niet Tien tiden wat hare was ghesciet 160[regelnummer] Want soe vanghenesse niet verdiende So seide mine lieue vriende Warumbe hebdi mi ghevaen Want hic ne hebbu niet mesdaen Jeghen v no groet no clene 165[regelnummer] Doe spraken si ter maghet reene Aeghte nv ne vant di niet onsien Van ons ne saldi messcien Al scinen wi di nu verbolghen Wiltu onsen raet nv volghen 170[regelnummer] Wi sullen di nv wonder segghen Twi wi di ghevaen hier hebben Onse here de coninc quintiaen Hi hiet ons beden om di gaen Dat wi di bringhen souden te houe 175[regelnummer] Want du best soe in sinen loue Mits der scoenheit van dinen liue Dat hi di hebben wille te wive So sere dwinctene dine minne Hi saldi maken coninghinne 180[regelnummer] Ende vrowe van al sinen rike Ende doen di draghen gheweldelike Effens hem seluen harde scoene Wel de coninclike crone Dat machtu doen wel met eeren 185[regelnummer] Wiltu dar toe nv di keren Dattu dinen ghod wils laeten
[Folio 166va]
Ende verspuwen ende haten Ende anebeden sine afgode Ende houden hare ghebode 190[regelnummer] Met wel herteleken moede Het sal di comen te groeten ghoede Wiltu dit niet anegaen Hi saldi thoeft af doen slaen Of anders iamberleke doen steruen 195[regelnummer] Nv teen van desen tween moestu verwerven Alse die heelghe maegt verhoerde Die wel vreslike worde So wart tehant sere veruaert Ende sloch haer oeghen ten hemele wart 200[regelnummer] Ende seide here die mi ghemakets Ende de bettre doet ghesmakets Om te loessene adaems gheslachte Vte squaets viants achte Hic biddu alzo warlike 205[regelnummer] Als ghi hier in aerderike Meenghen sondenare hebt beraden Ende meenghen mensce van noede ontladen Dat ghi nu moet beweren Al de ghene die mi willen deeren 210[regelnummer] Ende verleent mi sulc ghedachte Bede bi daghe ende bi nachte Den viant so te wederstaene Ende den coninc quintiane Die mi nu wil doen huwen 215[regelnummer] Dat hic ember wille scuwen Nu neemt te mi ghoeden ghoem Want ghi sijt mijn brudeghoem
[Folio 166vb]
Hic soude eer nu laten dleuen Dan hic v here soude begheuen 220[regelnummer] Want hic hebbe v vercoren Vor al dat leeft nv te voeren Here dor vwe ontfaermecheit Behoed nu mine suuerheit Nv ende in allen stonden 225[regelnummer] Van desen quaden honden Die mi in quaden wille volghen Alse wrede lioene verbolghen Of si mi dus willen besmetten Here dat moeti altoes beletten 230[regelnummer] Ende moet mi mede verloesen Van quintiane den boesen Ende van dorparliker dade Ende mede van mannes sade Also warlike als hic lude no stille 235[regelnummer] Noit ne crech wlmaecten wille Met manne de doene dorparhede Al haddics moete ghehad ende stede Noch biddic v vader here Nv met wel groeten seere 240[regelnummer] Van v gratie ende oec macht Dat hic wesen moete so bedacht Alsic comen sal te staene Vor den coninc quintiane Ende hi mi dan dar sal vraeghen 245[regelnummer] Van minen gheslachte van minen maeghen Ende oec mede van minen gheloeue Dat hict hem dan zo betoghe Dat hi mi daer niet ne begripe
[Folio 169ra]
Ende houden di te dinen liue 250[regelnummer] Alse mine vrouwe ende mijn wijf Ende minnen als mijns selues lijf Ende doendi eere in allen sinne Hic saldi maken coninghinne Van algader minen rike 255[regelnummer] Ende doendi draghen gheweldelike Effens mi vele scoene De coninclike croene Hic gheefs di al in dine hant Huus porten ende lant 260[regelnummer] Ende sal doen ghebieden Alle minen lieden Dat si di wesen onderdaen Ende te dinen dienste staen Bi daghe altoes ende bi nachte 265[regelnummer] Met algader haerre machte Debeste van minen riken Die doic v ghewiken Bede ruddren ende cnapen Doic v in allen saken 270[regelnummer] Dienen met ghoeder trowen Daer toe vrowen ende ioncvrowen De scoenste die men vinden mach Der met te cortene vwen dach Dit sal v sijn groet eere 275[regelnummer] Wildi oec yewet meere Hic salt v al doen hebben Sonder enech wedersegghen Maer eist dat ghi sijt so sot
[Folio 169ra]
Dat ghi verhort dit ghebot 280[regelnummer] Ende ghi niet dit wijlt kiesen V lijf suldi endelike verliesen Ende sal v doen vele saen Thoeft van den buke slaen Of vwe borste aue wringhen 285[regelnummer] Sonder enech weder dinghen Of doen verbernen in enen viere Of werpen onder die wilde diere Die di vressceleke sullen verbiten Ende dijn vlesch te stiken sliten 290[regelnummer] Of dine oeghen vte doen steken Of in scartwielen breken Of inder ze gront verdrinken Nv vant hier ombe saen nu dinken Ay ouer scoene ioncvrowe 295[regelnummer] Dies biddic vor rechte trowe Ende omme vwe selues duegt Ontfaermet vwer iongher iuegt Ende werct saen na minen raede Want hennes noch niet te spade 300[regelnummer] Bescuwet desen aerebeit Ende nemet dese rijcheit So moegdi sonder scneuen Met wel groeten eeren leuen Doe die maegt die tale vernam 305[regelnummer] Jc waenese hare niet wel bequam Soe verdroegh sere haren mont Ende seide o onrene hont Twi so machtu mi dus dreghen
[Folio 169va]
An bemic niet dijn eeghijn 310[regelnummer] Dat hic di oec iet ghewike Al waerstu noch alsoe rike Hic nonsaegdi niet een twijnt Dijn ghedrech es mi al wint Minen lichgame machtu verslaen 315[regelnummer] Maer mine ziele sal di ontgaen Onse here salse wel behoeden Dor sine groete oemoeden Neemstu oec mijn leuen Mi weertre ombe ghegheuen 320[regelnummer] Dat blide leuen ewelike Vor ghode bouen in hemelrike Daer de bliscap es vele groet So bemic quite van alre noet Ende van deser ertscer pine 325[regelnummer] Daer mi in stonde te sine Ende die hic moeste verwerven Nv so willic garne steruen Om sinen wille die eene waerf Dor ons andie cruce starf 330[regelnummer] Harde wel sal hijt mi loenen Ende metten saelghen sielen croenen De doet es mi sere bequame Ay hoe gherne hicse name So dinct mi wesen harde soete 335[regelnummer] Ende soe heeft in hare deboete Van miere zielen wonden Dat es van minen sonden Bi hare so sal nemen ende
[Folio 169vb]
Algader mine meswende 340[regelnummer] Ay ne waric niet wel sot Of hic liete minen ghod Jn eengher maeniere lude ofte stille Om dies wls ghedreegs wille Maer of ghod wille nienic niet 345[regelnummer] So wat so mi der na ghesciet Hic ne loeghene sijns nembermeer Jn sinen dienste willic bliuen embermeer Doet ende leuende in elker stont Wach dat tud sp<r>acs met tiere mont 350[regelnummer] Dat hic anebeden soude dine ghode Ende houden gaerne haer ghebode Ende verwerpen mine wet Om de minne van dinen maeumet Dv souts mi nemen tenen wiue 355[regelnummer] Voert meer altoes te dinen liue Ende doen mi gheweldelike Draghen van al dinen rike De coninclike croene Dit was gheboeden vele scoene 360[regelnummer] Waric wijf van diere wet Ende hic di danne wilde met Maer nenic niet en rechter trowen Het mochte mi harde sere rouwen Ende hic ware dorper ende onwijs 365[regelnummer] Lietic minen eersten amijs Dien hic oit met herten minde Al van wel clenen kinde Om dine quade wle afgode
[Folio [170]ra]
Ende dan via[nt ...] 370[regelnummer] Niet een twint [...]gen Dar ombe willic [...] Mi pinen derre war[elt to]ntgane Enten viant te wederstaene Hier ombe es mi dine rijcheit 375[regelnummer] Onghenochleec ende leit Ende negheen vernoi onsie hic niet Nochtan dregdine dies niet onsiet Want torment ende pine Es miere zielen medicine 380[regelnummer] Daer zoe mede gheganst sal werden Van algader haren meswerden Wordic nu ghesleghen te doet Hic voere inde bliscep groet Die niemen wel ne vertellen nemach 385[regelnummer] No vleslijc oeghe noit ne sach Hier ombe ne vresic niet een twint Want vwe worde sijn al wijnt Daer mine ziele in wert verclaert Vander mesdaet diese verswaert 390[regelnummer] V dreghen dats mi al reghen Da[er] mine ziele in wert ghedweghen V[an alle]n s[o]ndeliken smetten [...]n ghode mochte beletten [...] ne vructic niet een bast 395[regelnummer] [...]euinghe die es so vast Ende van ghode ghefundeert [.]ijnt [...]e ghemureert Ende [...] omtrent
[Folio rb]
[...] 400[regelnummer] Het st[...] Dats ihesus k[erst ...] Mijn huus ne n[...] No mine mur[...] Want onse here [...] 405[regelnummer] Dor sine wel g[...] Doe soe die ta[le ...] Began soe v[...] So dat hare d[...] Want ghenad[e ...] 410[regelnummer] Dat hi hare h[...] Dat soe den v[...] Ende dat hi [...] De maertelie [...] Ende daer af [...] 415[regelnummer] De blide hen[...] Als een die in [...] Ende van de[...] Enter couder f[...] Den dorst te n[...] 420[regelnummer] Doe affrodisi[a ...] Der maegt [...] Ende soe sac[h ...] Die maghet [...] Dies was har[e ...] 425[regelnummer] Nochtan hilt [...] Met haren neg[...] Die ccc dag[...] Dat soe har[...]
[Folio va]
[...] 430[regelnummer] [...] [...]oe rieden [...] quame [...]eit name [...]e rieden 435[regelnummer] [...]der niet ghedieden [...]inc versiet [...] niet [...h]eelghen gheest [...] alre meest 440[regelnummer] [...]e siere macht [...] soe ontfacht [...]en dinghen [...]ochte bringen [...] dat vraghen 445[regelnummer] [...] dat si daden [...]le [...]e hare tale [...] varen huvt [...]s bruut 450[regelnummer] [...]inc [...] ontfinc [...]nerman [...] began [...]en 455[regelnummer] [...]t es ghode [...] die al vorsiet [...] sluten niet [...] seker
[Folio vb]
[...]een dor weken 460[regelnummer] O[...]n loet J[... g]hovt roet Dan men b[...]nc vrowe bi eengher leeren Vte ihesus wet soude moeghen keren Wi hebben ons segt soe dach ende nacht 465[regelnummer] Hic ende mine dochtre met alre macht Ghepint of wise bi eenghen dinghen Vte haren wille mochten bringhen Van dreghene wi lettel fijnneerden No van biddene wi noit cesseerden 470[regelnummer] Wi gheloefden hare ghout ende gimme Alsoet behort ter coninghinnen Daer toe seluer ende ghout Ende cierheit menechfout Die hic niet can ghenomen wale 475[regelnummer] Samite pellele ende sendale Hictcele vingerline hoefbande Daer toe de crone van vwen lande Ziden perlen ende ghesteente diere Ende andre rijcheit meengertiere 480[regelnummer] [W]i prijsden hare oec de voere Ende de scoenheit van den aemo[er]e Dat de vrowe met manne [pleghet] Alsse soe bi siere sijde [leghet] So gheliet hare do alope[...] 485[regelnummer] Ghelijc of soet in therte had[de ...] Sone achter op niet een twint So seide onse worde [waren al w]int No ghene pine [...]
[Folio 179ra]
Ende doen pinen of verhanghen 490[regelnummer] Dvs worde ihesus macht verstilt Want hets quaet dat ghi liede wilt Dat hic enen quaet soude vlien Mi souder groelec af meschien Jhesus kerst heeft mi gheproeft 495[regelnummer] Of hem iet an mi mesfoecht Dies bemmic blide ende vroe Nv willic mi hier houden zoe Dat mi tote in mijn ende Jn sijn gheloeue ghestade vende 500[regelnummer] Hets recht hi heeft mi verloest Van minen vernoie ende vertroest Nv hort hier rechte waerheit Alse die maegt dat hadde gheseit Bleef soe ligghende ghebonden dar 505[regelnummer] Jn den carcre vir daghe der naer Nad[ie]n dat hict ghescreuen sach Doe leden was de vierde dach Gheboet de coninc quintiaen Sine cnapen vele saen 510[regelnummer] Dat sise daden vter hachten Ende vor hem ten siege brachten Dat hi gheboet daet si ghereet Doe brochten sise vor hem gheleed Doe soe vor hem was ghestaen 515[regelnummer] Doe sprac hi te hare saen Aeghte segt hi dulle riesinne Hoe langhe sullen dine sinne Jn deser groeter verwoetheit sijn Jeghen de ghebode mijn
[Folio 179rb]
520[regelnummer] Jeghen recht ende ieghen de wet Die groete prinscen hebben geset Coms noch af dies biddic di Ende wes onderdanech mi Ende laet achter dine wet 525[regelnummer] Ende anebede onsen mamet Ende vant vaste der an gheloeuen Jof ic sal di doen ghedoeghen Pine torment ende groet seer Meer dan du ghedoeghets noit eer 530[regelnummer] Doe sprac die maghet o wle tyran Twi tijstu mi verwoetheit an Hic bem vroeder dan ghi quaet hont Dies danc hic gode te derre stont Om wat dat minen liue ghesciet 535[regelnummer] Vwen raet ne volghic niet Vwe worde sijn dul ende quaet Want ghevenijnt so es v raet Sonder bate ende sonder vrucht Want dine worde smetten delucht 540[regelnummer] Sonder verstannesse es dijn sin Ende lettel vroescepen esser in Dar toe bestu loes ende fel Dat machmen andi merken wel Dar ghi ghenade ende hulpe an soect 545[regelnummer] Ende ouer ghode ane roept Ende oec eert wel menech fout Ende el niet dan stene ende hout Dar gheen goet af mach ghescien Ende niet ne wilt gheloeuen an dien 550[regelnummer] Die so rike es ende so machtech
[Folio 179va]
Ende in alle duegt so crahtech So dat hi mi in corten stonden Heeft wel ghenesen mine wonden Die ghi mi here quintiaen 555[regelnummer] Vwen cnechten hier doet slaen Ende mine smerte heeft verdreuen Ende mine borste wel ghenesen An minen lichgame wel te waren Also si noit te voren waren 560[regelnummer] An desen ghod soudi bekeren Ende altoes waerden ende eeren Hi soudu loenen ghetrouwelike Dar bouen in sijn hemelrike Doe seide hi dit ne mach niet wesen 565[regelnummer] Segt mi wie v heeft ghenesen Doe seide die maegt die zote kerst Dies hulpe dat es mi alre best Doe riep lude die kaitijf Ay mi segt hi onsaelech wijf 570[regelnummer] Waran bestu dus vaste comen Hoe dorstu kerste vor mi nomen Doe sprac die maegt ter seluer stonde Ghode nomen met minen monde Ende hic ne minne metter herten 575[regelnummer] Die mi heeft mine smerten Ende mine wonden alle ghesacht Ende mijn vernoi te nieute bracht Dies moeti hebben groeten lof Dar bouen in sijn hemelsce hof 580[regelnummer] De coninc verbalch hem mettien Aeghte nu salic sien Of ihesus kerst om v iet roect
[Folio 179va]
Die ghi dus vaste ane roept Doe gheboet hi sinen cnapen 585[regelnummer] Dat si pot scerue scarpe beijaegden Ende sise spredden ghinder ende hier Ende daer op leiden gloiende vier Om dat die scerue souden springen Entier maegt in haer vlesch dringen 590[regelnummer] Ende die maegt der toe leeden Ende al moeder naect ontcleden Ende in midden dien viere legghen Die cnapen ne dorstent niet ontseggen Dat die valsce man gheboet 595[regelnummer] Dat daden si met haesten groet Doe namen sise alse moeder naect Alse soe gheboren was ghemaect Ende worpense dar harde sciere Jn alle midden van dien viere 600[regelnummer] Si ghinghen blasen ende stoken Dat nu an hem lieden es ghewroken Jn den gront van der hellen Dar si altoes nv in quellen Alse men dien heelghen lichgame goet 605[regelnummer] Keren wilde indie gloet Daer toeghede ghod sier tekin een Alse daer te jeghen worde sceen Dar al dat. dat volc toe sach De stede dar die maegt oplach 610[regelnummer] Die verbeefde ende verscoet Doe was die anxene daer so groet Datter sulc in ommacht seech Bi dien viere stont eene weech Die steenin was dar leenden an
[Folio 181ra]
615[regelnummer] Wel harde sere met onrechte Also ghi here selue versint Want ghi alle herten kint Entye mijns inden carcre gomet Entar vwen apostel sendet 620[regelnummer] Die mi in wel corten stonden Daer heelde mine seere wonden Ende mj bi gracien ende bi minnen Manlike hebt doen verwinnen Bande. slaghe. yser ende vier 625[regelnummer] Dat vreslec was ende onghehier Hic biddv alzo ghewarlike Alse ghi hier in arderike Menscelijc hier wort gheboren Omme te loessene die waren verloeren 630[regelnummer] Dat ghi ontfaermet mire pine Dar hic in deluue ende verdwine Ende hort mine bede daer ghi sijt Ende oeft v here dinct wesen tijt So moeti minen loen ghereeden 635[regelnummer] Ende mine ziele van aerderike sceden Ende laetse comen haestelike Met v dar bouen in hemelrike Oec biddic v here nu met desen Alse hic versceden hier sal wesen 640[regelnummer] Ende alle de ghene die mi eere doet Miere passien ende miere noet Met deuotien sullen ghedinken Hare vernoi moeti hem minken Sijnt papen ruddren ofte vrowen 645[regelnummer] Bescermen moettise alle van rowen Ende beuerden van alre noet
[Folio 181rb]
Ende van scamliker doet So dat al haer meswende Moete comen tenen ghoeden ende 650[regelnummer] De ghene die mi sullen versoeken Jn enegher maniere of aneroepen Dor vwen wille om de hulpe mijn Dien so moetet nutte ende salech sijn Ende hare beede moeti ghehoeren 655[regelnummer] Ende al haer vernoi mede testoren Here oec deghene die stichten kerke Of aelemoessene gheuen te mine werke Dat moete sijn in vwer ghewout Ende hem dat loenen dusentechfout 660[regelnummer] Jn gracien alhier in aerderike Ende met bliscepen in hemelrike Ende mede altoes verborghen Van vernoie ende van sorghen Ende moet bescermen met vwer hant 665[regelnummer] Hare hws. wingart. coren ende lant Van onghevalle ende van tempeeste Paerde. coie. ende al haer beeste Ende so laten der bi gheleuen Ende sulke aelemoessene moete geuen 670[regelnummer] Dat siere haer sonden mede geboeten Ende tehemelrike comen moeten Oec biddic v vader wel lieue here Dor vwer lieuer moeder eere Dat alle die sullen horen lesen 675[regelnummer] Miin vite of dar wesen Dar sise sullen lesen horen Dien moeti beuellen allen toren Ende moet vertroesten hare herten
[Folio 181va]
Van allen rouwe ende alre smerten 680[regelnummer] En tye met siecheden sijn gheladen Dien moetti dor vwe ghenaden Der af ghenesen wel cortelike Ende bringhen te vwen hogen rike Ende mine ziele also mede 685[regelnummer] Hier so endde soe doe haer bede Doe dese bede was ghedaen Ghod ghehoeredse also saen Ende orloefde hare dat soe bat Dat volc dat daer stont ende zat 690[regelnummer] Jn den carcre daer tyer stede Horde algader hare bede Want soe dedse vor hem allen Doe sagen si waer soe quam ghevallen Jn cruus neder op den vloer 695[regelnummer] Hare gheest dat hare ontvoer Doe quamen daer wel vele scoene Jngle van den hoeghen trone Ende namen daer die ziele Ende beualense sente michile 700[regelnummer] Diese voerde in abrahams scoet Dar die bliscap es wel groet Daer so wart dier helleger vrowe Hare pine gheloent ende hare rowe Want ghod gaf hare te loene 705[regelnummer] Der maegde enter martelaren crone Jnde bliscap van hemelrike Dar zo sal wonen ewelike Alse dat die ghode liede saghen Die hare altoes te volghene plagen 710[regelnummer] Dat soe dus was bleuen doet Dies hadden si rowe ende iamber groet Ende wenden alle vele sere De ziele bevaelsi onsen here
[Folio 181vb]
Doe beghonssi den lichgame werden 715[regelnummer] Ende hieuene op van der aerden Ende leidene in eene kiste ghereede Ende dectene bouen met enen clede Die kiste stappans si op hoeuen Met ten lichgame ende wech droeghen 720[regelnummer] Ende leidene waerdelike ende reene Onder enen scoenen marbersteene Die sclecter was dan een glas Die nichtinghe ghemaket was Doe namen si salve wel diere 725[regelnummer] Ende specie meengher tiere Ende bestrekenre den lichgame mede Also die wet was entie zede Binnen dien dat si haers plaghen Sloeghen si thoeft op ende saghen 730[regelnummer] Waer een ionghelinc quam mettyen Die noit man daer hadde ghesien No ghekent oec sekerlike Binnen aldien conincrike Hi was met witten al ghecleed 735[regelnummer] Ende brochte daer met hem gheleed Doe inde gheselscap sine Meer dan hondert kinderkine Ende alle wit ghegaruut met witten Doe ghinghen si biden graue sitten 740[regelnummer] Bede singhen ende lesen Doe quam die ionghelinc met desen Ende brochte een tafelkijn gedregen Van marbre dar in stont ghescreuen Aeghte helech was dine ghedachte 745[regelnummer] Ghode daedi eere bi daghe bi nachte Bedie saelt lantscep sijn verloest Ende van groeten vernoie vertroest Hi nam die tafle met ghenende
[Folio 184ra]
Ghod hi latene met eeren leuen 750[regelnummer] Ende ember sulke dinc anegaen Dat hem in staden moete staen So dat hem ghod na sijn leuen Hemelrike moete geuen Ende oec hem allen mede 755[regelnummer] Die ouer hem bidden in elker stede Dit maecti sente aeghten teren Na de ghebornesse ons heren M. cc. ende vi. ende .lxxx. iaer Tenamme in sinen cloester daer 760[regelnummer] Die ouer hem nv bidden sal Ghod ghéuem geluc ende goet geual Alle daghe die hi sal leuen Ende ghod ne moetene niet begeuen Hine motem gheuen hemelrike 765[regelnummer] Na sijn leuen ewelike amen Dese boec es nuttelec sere Diene leest bi onsen here So waer soet es lude of stille Jndien dat hijt doet met goeden wille 770[regelnummer] xxvii.c. vaers heeft hi an Dit es oec waer bi sente ian

Van sente Aeghten

[Van sente Aeghten]

Over dit hoofdstuk/artikel

titels