Van sente Marien Egyptiake

(1980)–Anoniem Van sente Marien Egyptiake– rechtenstatus


[Van sente Marien Egyptiake]
[Folio 224ra]
Sine aten oec el niet al giaer Dat segghic v allen ouer waer Naest haren liue drogen si ene hare Die scarp was ende harde sware 5[regelnummer] Si waren gheghort met eere line Die hem dede groete pine Bedden hadden si anders neghene Daer si vp sliepen dan harde stene Zosimus was harde blide seere 10[regelnummer] Dat men daer diende so onsen here Ende dat men daer so penitentie dede Dat dochte hem en heelech sede Ende dedese mede ghenendelike Omdat wilde besitten dat rike 15[regelnummer] Dar moete wi oec in allegader Dat jonne ons de hemelsce vader Uoert segghic v wildijt horen Hare venstren ende hare doeren Si waren alle besloeten vaste 20[regelnummer] Daer ne quamen ghene gaste Dar was niemens wandelinghe Dan der moneke onderlinghe De stede was heimelijc dar ne quam No part. no coe. no scaep no lam 25[regelnummer] No ghene beeste wilt no tam Dat dar binnen den huse qvam Ne wijnt die daer waide Ende voer hare dore draide Aldus ghedaen waes hare canoen 30[regelnummer] Ende dit so wildsi gaerne doen Hier ombe sende ghod zosimus daer Dat hare oerdine was so swaer
[Folio 224rb]
Want hi hilse wel ende starke Al hare pointe ende hare ghewerke 35[regelnummer] Enen sede hadden si oec die si wel hilden Ende niet achter laten wilden Dat was alse quamen die vastinen Alse hem elc ghoet mensce sal pinen Te beterne sine sonden van den iaere 40[regelnummer] Ende siere worden gheware. Tere nuwer pinen ghinghen si dan Die daer dede elc ghod man Die men daer te doene plach Want opten eersten sondach 45[regelnummer] Dat men groet vastelauent heet So was elc monech wel ghereet Ende seiden hare biechte alteghader Haren abt haren vader Alse die biechte was ghedaen 50[regelnummer] So ghinghen si inden coer staen Ene messe dat si dan songhen Doude moneke metten jonghen Darna sacrement si alle ontfinghen Witti waersi doe ghinghen 55[regelnummer] En lettel eten van haerre spisen Dat ne waren salme no pladisen Waer borne ende broet of wellinghen Witti waersi doe ghinghen Eende witti wat doe was haer sede 60[regelnummer] Jn capitelen in knieghebede Viel si ende daden hare orisoene Oemoedelike alse hem staet te doene Alse dorisoene waren ghedaen Doe ghinghen si voer haren abt staen
[Folio 224va]
65[regelnummer] Dar na knielden si alle vor hem Ende baden allegader hem Dat hi hem debe<ne>dictie soude gheuen Dat si die pine dat sware leuen Dat si sullen aneghaen 70[regelnummer] Daer in si moeten nv wlstaen Dat si moeten verdienen dat leuen Dat ghod den saelghen sal gheuen Doe custe daebt elken an sinen mont Ende seide broedre nv vart gesont 75[regelnummer] De benedictie die ghod den apostelen gaf Doe hiere sciet tachterst af Die moeti hebben broeders alle Newaer hic bidde v al met alle Dat ghijt nelaet ghensijns 80[regelnummer] Ghine ghedinct ember mijns Ende bidt ouer mi mundelinge Ende metter herten sonderlinge Alse doe dorlof ghedaen was Elc doe een orisoen las 85[regelnummer] Ende alse dorisoene waren gedan Doe waren die doeren alle ondaen Ende elc monec den andren neech Toeter aerden ende neder segh Ende beghonsten alle singhen o. o. 90[regelnummer] Dominus illuminatio mea & salus mea quem timebo. Alse ghesonghen was dit saluut Alse die moneke ghinghen vut Tere niewer penitentien waert Blideleke ende onveruaert 95[regelnummer] Jnde woestine danen meenge mile Ende waren daer langhe wile
[Folio 224vb]
Sine lieten thuus oec niemene Dan enen monec ofte twe Die den cloester souden wachten 100[regelnummer] Niet om dat si om thoet iet achten Of dat si hem van den dieuen ontsaghen Dat si hem haer ghoet mochten ontdraghen Want si nehadden neghen ghoet Armelike het met hem stoet 105[regelnummer] Maer si lieten daer die twe monke wesen Dat si souden singhen ende leesen Ende sacreren ten autare En tadt thuus sonder hulpe niet neware Elc monec met hem droech 110[regelnummer] Sulke dinc alse hem ghenoegh Sulc met hem broet nam Sulc wellinghe alse hem bequam Ende sulc nam el niet dan sijn cleet Ende ghinc inde woestine ghereet 115[regelnummer] Ende nam met hem dat hem voeghede Ende in sine herte wel ghenoeghede Si voeren ouer deflume jordane Ende elc maecte hem dar teghane Dar hijt alre hemelecst wiste 120[regelnummer] Daer diendi ghode ihesus krijste Elc monec van den andren verre sce<e>dde Hine wilde niet wat leuene hi ledde Dat dat iemene hadde ghesien Dar ombe ghinc hi verre vlien 125[regelnummer] Sonder ghod dor wies eere Hi hem daer tormente sere Ende als enech den andren sach Wildi hoeren wies hi plach
[Folio 225ra]
Hi maecte hem wech tere ander stede 130[regelnummer] Dat was altoes hare liede sede Deen van den andren niet weten wilde Jn wat leuene dat hi hem hilde Bi crude leefden si inde woestine Die si dar vonden ende bi rachine 135[regelnummer] Alse hem die nature Vort brochte hare houde hure Sulc die wilden broet si aeten Sulc wellinghe ne waer te maten Sulc de urucht van den oliuiere 140[regelnummer] Dat dochtem spise harde diere Ende bi wortelen ende bi bladren Die si achter bosche gadren Snachts laghen si neuen der aerden Ofte vp stene ofte vp ghaerden 145[regelnummer] Ene corte wile si doe sliepen Alse si doe waecten si riepen Te ghode dat hise moeste Jn die woestine die ware so woeste Laten doen sulke ghewerken 150[regelnummer] Ende hise der in so moeste ghesterken Dat si de bliscap van dar bouen Dar b[...] Jnt h[...] [...] gheblijf [...] 155[regelnummer] [...] [...] woestine [...] [...] [...] 160[regelnummer] [...]
[Folio 225ra]
Ende si dese pine hadden ghedaen So moesten si dan thuus waert gaen So dat si dan thuus moesten wesen Dan ghinghen si singhen ende lesen 165[regelnummer] Van ons heren pine van siere noet Van siere passien van siere doet Alse si waren thote huus Alle die monke comen aldus Also alsic v hebbe gheseit 170[regelnummer] Weet wel ouer wareit Dat deen den andren niet vraegde Hoe dat hem die pine behaghede Of hoe hi leuede indie woestine Ende welc gheweest hadde sine pine 175[regelnummer] Of wat dinghe hi hadde gheten Dat wilder niemen van den andren weten Ne waer ghod die ouer al can sien Ende al weet dat mach ghescien Ende alle herten kennet binnen 180[regelnummer] Ende oec de ghene diene minnen Hi wiste wel wat si hadden ghedaen Ende hoe si in pinen hadden ghestaen Bedie sal ghod hem gheuen dat leuen Dat men den salghen sal gheuen 185[regelnummer] Dit was dordine ente reghele hare Dat si dus daden penitentie sware [E]lc alse gi hier voren [H]ebt ghehoert; hadde vercoren [E]ne heimeleke stede dar hi in sat 190[regelnummer] [Ende] ghode ghenade bat [H]ine wilde niet dat de liede saghen Dat si hem prijs dar af mochten draghen
[Folio 225va]
Alsoe sullen die lieden doen Alsi sullen segghen haer orisoen 195[regelnummer] Si sullen in ene stede vlien Dart niemen ne sal moghen sien Debedinghe die si dan onsen here Segghen es hem bequamelic sere Ne waer die sine bedinghe doet 200[regelnummer] Vor de liede ende hem sijn moet Staet dat hiere wille hebben of Van den lieden prijs ende lof Om dat hi toghet sine weldaet Dats siere sielen harde quaet 205[regelnummer] Ende dat sal hi aernen sere Te doemesdaghe vor onsen here Dese monec zosimas Die daer inden cloester was Daer hic v af hebbe gheseit 210[regelnummer] Nader scrifturen wareit Hi dede oec mede dese pine Ende ghinc oec mede inde woestine Ende hi maectem oec te ghane Ende voer ouer de iordane 215[regelnummer] Ende hi droech met hem broet Alse hem de hongher dede noet Dat hine een lettel verwerde Neghene spise hi el begherde Ende hi nam met hem sijn cleet 220[regelnummer] Ende hi ne hadde el niet ghodeweet Dan sinen puren lichgame Ende ghinc dart ghode was bequame Verre danen inde woestine Dar hi in hadde groete pine
[Folio 225vb]
225[regelnummer] Alsem hongherde broet hi nam want Hi aet; ende crude die hi vant Nachts so lach hi neuen der aerde Want hi elniet ne begaerde Dan rustede hi ene curte stont 230[regelnummer] Alse hi dan wakede sijn mont Ende sine herte te gode baden bede Dat hi moeste sijn in sijn ghebede Alset doe wart weder dach Wildi hoeren wies hi plach 235[regelnummer] Hi ghinc dart alre hemelixt was Te ghode bat hi ende las Ende ember ghinc hi bet voert Ende seide duschedane woert Lieue ghod alsoe ghewarlike 240[regelnummer] Alse ghi sijt hier in hemelrike Ende ghi den mensce ghemaket Ende de <doet> dor hem ghesmaket So moeti mi dar bewenden Ende in dese woestine senden 245[regelnummer] Daer hi<c> eneghen heleghen mensce moet vinden Die mi iet ghoets moete ontbinden Ende die mi iet segghe ende leere Dies biddic v wel lieue here Want hic begh[... d]ese dinc 250[regelnummer] Van bi[...] hier [...]c Alse [...] Ombe [...] [...] ende doen hare [...]nt [...] wint 255[regelnummer] [...]nt none [...] te doene
[Folio 227ra]
Die hem vloe ende voer hem ghinc Zosimus zosimus lieue vader Om ghode vergheeft mi dit algader 260[regelnummer] Dat hic v hebbe doen lopen na mi Wildijt weten warbi het si Hic bem een wijf al moedernaect Swart leelic ende ongheraect Jc ne hebbe neghene cleder an 265[regelnummer] Dar ombe ne mach mi negheen man Bescowen no ane sien Dar ombe moestic van v vlien Dat ghi sout hebben mine wijflechede Ghesien ende mine naecte lede 270[regelnummer] Maer wildi mi een cleed werpen dar neder Ende sien dan ouer rugghe weder Dat hic mach halen dat cleet Dar hic mede mach ghodeweet Mine wijflechede decken 275[regelnummer] Dan so salic totu trecken Ende scieghen v spreken ende bi v staen Ende vwe benedictie ontfaen Alse zosimus dit verhoerde Dese tale ende dese woerde 280[regelnummer] Hi wart vervaert ende ondaen So dat cume conste ghestaen Want dat soene bi sinen name hiet Dies ne conste hem verwondren niet Ne ware hi was vroet ende behendech 285[regelnummer] En te alre ghoeder dinc ghenendech Hi pensde in sine herte ende dochte Dat soe sinen name niet nomen mochte Dien soe noit met oeghen sach
[Folio 227rb]
No van hem horde noit ghewach 290[regelnummer] Maer dat ghod hare hadde laten verstaen Die alle dinc hadde saen ghedaen Hi dede met haesten dat soe hem riet Ende dies ne wildi laten niet Hi dede vt sijn ouerste cleet 295[regelnummer] Ende warpt hare vele ghereet Ende kerdem omme met allen leden Alsoe hem hadde ghebeden Doe quam soe gheloepen altehande Ende namt cleet met haren handen 300[regelnummer] Ende bandt vor hare wijflechede Ende decter mede hare scaemlechede Alsoe ghedect hadde hare sonder beide Doe quam soe tote hem ende seide Ay lieue vader lieue here 305[regelnummer] Waerumbe begardi so sere Te siene een besondecht wijf Die oyt in sonden leedde haer lijf Stapphans alsoe vor hem stoet So vieli hare vp den voet 310[regelnummer] Ende hi bat hare harde sere Dat soe hem doer onsen here Debenedictie soude gheuen Ende makene delachtech an hare leuen Ter aerden viel soe oec dar neder 315[regelnummer] Ende hiesch hem debenedictie doe weder Nv laghen si bede neder ter aerden Ende elc debenedictie gaerde So dat men dar elniet mochte horen Dan gheft mi debenedictie voren 320[regelnummer] Gheftse mi ende gheeftse mi
[Folio 227va]
Aldus bede so scieden si Darna ouer ene langhe wile Dat men mochte gaen ene mile Doe spracse tote hem aldus 325[regelnummer] Wellieue vader zosimus Hets recht dat ghi mi benedijt Bedie dat ghi een priester sijt Ende hebt bi meenghen iaere Ghestaen ten heleghen autare 330[regelnummer] Ende ghesacreert den lichgame ons heren Die elc mensce soude eeren Alse hi dit ghehort heuet Leghet hi van vruchte ende beuet Ouer dansichte liep hem dat swet 335[regelnummer] Hi wart cout hi wart heet Met siere herten dat hi suchte Ende van wondre lach hi ende vruchte Gheestelike moeder hi doe seide Hic sal v segghen waerheide 340[regelnummer] Den heelghen gheest hebdi in ende niet el Dat es hier openbare wel Want ghi mi noeit ne saeght Ten eersten bi miere name vraegt Ende seit dat hic een priester ware 345[regelnummer] Hier bi so esset openbare Dat de heleghe gheest in v wont Ende v al leert dat ghi cont Gheeft mi debenedictie om onsen here Dies biddic v harde sere 350[regelnummer] Alsoet niet ontgaen ne mochte Doe seide soe ghod diet al gewrohte Dat nie inde werelt ontfinc lijf
[Folio 227vb]
Bede man ende wijf Ende ghedoeghede groete pine 355[regelnummer] Om onse verdiente niet om desine Ende oec anxene vele groet Ende an de cruce daer bleef doet Hi moet ons sine benedixie gheuen Ende hier so laten ons leuen 360[regelnummer] Dat wi moeten besitten dat rike Dar hi sal wonen ewelike Hi antwoerde ende seide amen Doe stoeden si op bede te samen Doe sprac soe ende seide aldus 365[regelnummer] Wellieue vader zosimus Om wat quamedi te desen wiue Sere besondech van haren ljue Ne ware ghod die alle dinc kent Hic weet wel hi heeft v hier ghesent 370[regelnummer] Dat hic v lien sal mine sonden Daer hic mede bem ghebonden Ende ghi dan afflaet Sult gheuen van miere mesdaet Ay seght mj <h>oet achteraerderike es 375[regelnummer] Ende hoeter in ghescepen es Kerstinede hoet wert gherecht Hic biddu dat ghijt mi segt Ay hoet es metter helegher kerken Bisscope papen ende clerken 380[regelnummer] Grauen keisers ende coninghe Hebben si onderlinghe enech ghedinge Ende al waerlec gherechte Laet het in paise arme knechte Zosimus hare antworde ghevet
[Folio 238ra]
385[regelnummer] Endic dese pine eersten nam Dar ombe biddic v dat ghi ghehort Mine bede ende mine wort Ende ghise doet ghetrouwelike Ende bringhet mi sekerlike 390[regelnummer] Thelghe tekin tsacrament Op de selue wile dar omtrent Dat ghod onder sine ionghers sat Met hem tere taflen ende at Ende vorseidem sine noet 395[regelnummer] Sine passie ende sine doet Alse ghi sijt in vwen cloester danne So suldi segghen den here ianne Die vwerliede abd es ende vader Ende v in hoeden heef algader 400[regelnummer] Dat hi hem seluen wel voersie Ende sine moneke want bedie Dar sal ene dinc ghescien Die ghi selue noch sult sien Van den monken onderlinghe 405[regelnummer] Dewelke sal behoeuen beteringhe Maer. dat ne suldi hem niet seggen nv Vort ghod gheheten heuet v Alse soe dit gheseit hadde al Lieue uader seghet so ic sal 410[regelnummer] Ghaen. doet ember mine bede Ende bidt ouer mj oec mede Blijft met ghode den hoegsten herde Ende hi moetons geuen sinen verde Metten hoefde so hem doe nech 415[regelnummer] Enter aerden na soe seegh Ende maecte hare haesteleke wech
[Folio 238rb]
Ende nam nederwaerts den wech Zosimus bleef staende dare Ende sach en lanc stic na hare 420[regelnummer] Dar na so knielde ter aerden Ende ghinse loeuen ende waerden Ende custe daer so hadde ghestaen De voestappe dar soe hadde ghega[en] En ten seluen wech die <hi> hadde gen[omen] 425[regelnummer] Doe hi darwart was comen Dien ghinc hi rechte weder keren Ende ghode louende met eeren Ende riep te hem ende las Ende ghinc thuus alset tijt wa[s] 430[regelnummer] Hi swegh alstille al dat iaer Ende van dien dat hi daer Hadde ghesien ende ghehoert Dies ne seidi niemene een wor[t] Ende met sier herten dat hi bat 435[regelnummer] Te ghode dat hi hem moeste da[t] Theelghe ansichte vander vro[wen] Laten anderwarf bescowen De verlanghenesse sere hem dv[anc] Want diaer dochtem harde l[anc] 440[regelnummer] Ende om de heleghe vastine Dat de moenke inde woestine Souden gaen dies lancdem ser[e] Ende batter omme onsen here Ende alse de vastine waren co[men] 445[regelnummer] Ense de moenke hadden vernom[en] Opten eersten sondach Also men daer te doene plach So ghinghen si alle inden co[re]
[Folio 238va]
[A]lso ghi hoert hier te vore 450[regelnummer] [E]nde onsen here si daer ontfinghen [E]nde vte haren cloestre si ghinghen [A]l singhende inde woestine [D]ar si in hadden groete pine [E]nde inden cloester bleef zosimas 455[regelnummer] [W]ant hi harde siec do was [E]nde hadde den corts dies hi genas [E]nde hi was harde blide das [D]oe peinsde hi dat ware waerheit [D]at soe hem doe hadde gheseit 460[regelnummer] [E]nde al wildi vte ghaen [G]hi sult met euele so sijn beuaen [D]at ghi niet vte gaen sult moghen [N]o te ghere pine oec doghen [A]lse hi doe vander siecheden 465[regelnummer] Ende van den corts dien hadde gereden [W]as ghenesen ente tijt was comen [D]at wi palmesondach nomen [T]hus die moenke weder quamen [V]ter woestinen alle tesamen 470[regelnummer] [A]lso als men daer plach [E]nde opten witten dornesdach [D]oe ghinc zosimus te vespertide [V]an begharten was hi blide [E]nde haesteleke dat hi dede 475[regelnummer] [M]et begarten der vrowen bede [W]ant soe hem harde wel bequam [En]en kelc doe dat hi nam [En]de sine bedinghe dar hi seide [Ende] ons heren lichgame hi dar in leide 480[regelnummer] [Ende] hi nam een corfelkijn
[Folio 238vb]
Diere dicwile vele in cloestre sijn En lettel fighen hiere in dede Ente vrucht van den palloen mede Ende een wel lettel wellinghen 485[regelnummer] Met hem droech hi dese .iij. dinghen Ende ghinc doe stappans wech Ter iordanen den rechten wech Ende alse hi ter iordanen quam Ende hise vor hem vernam 490[regelnummer] Achter vespertijt het was Sine orisoene dat hi las Ende ghinc sitten opten oeuer Dat spade was dies was hi drouer Der vrowen comste <moeste> hi onbeiden 495[regelnummer] Hare langhe merren was hem leide Want so merrede harde langhe Dies was hi seere in bedwanghe Ende ember doe ne sliep hi niet Maer altoes hi om hare siet 500[regelnummer] Groete langhenesse ende begaerte So haddi om hare in sine herte Ende tote hem seluen dat hi seide Jc wet wel het es wareide So was hier ende kerde te hant 505[regelnummer] Alse soe mj niet ne vant Alse hi dit hadde gheseit Hi viel in knieghebede ghereit Ende hi wende groete trane Ende riep onsen here dus ane 510[regelnummer] Wellieue uader wellieue here Hic biddu met drouer herten sere Dat ghi mj niet ne laet bederuen
[Folio 240ra]
Doe antworddi hare ghereit Ay die v nu volghen mochte 515[regelnummer] Hi mochte sijn blide in sine ghedochte Ende vwe heelghe ansichte ane sien Wel blide mochti sijn van dien O heleghe moeder hic bid v Dat ghi mine bede doet nv 520[regelnummer] Ende neemt een lettel van derre spise Die hic hier brochte ende eet ise Den corf so toeghede hi doe hare Dien hi met hem brochte dare Ende van haren vingre stac soe 525[regelnummer] Jnden pot metten wellinghen doe Jn haren mont stac soe drie grane Ende seide soe hadder ghenoch ane Ende seide hare gheest ne mochte niet Ghedraghen dat soe meer ate iet 530[regelnummer] Dar na sied soe vader ic biddu sere Om de minne van onsen here Dat ghi mijns altoes ghedinct Als ghi leest ende alse ghi singt Ende peinst om mj in vwe ghebede 535[regelnummer] Ende bidt ouer mi dan mede Doe viel hi stappans op hare voete Hi cussetse si dochten hem soete Ende sine hande hi tegader leide Ende al wenende dat hi seide 540[regelnummer] Vrowe bidt ouer de heleghe kerke Bisscope papen ende clerke Ende ouer tfolc doet vwe ghebede Ende ouer mj oec mede Hi weende hi suchte ende jancte
[Folio 240rb]
545[regelnummer] Ende ghode w[...] Met groeter ser[...] So sciet hi doe [...] Hine dorstese n[...] Alse so wilde d[...] 550[regelnummer] So seinde ander[...] Ende settre op[...] Ende ghinc ouer[...] Ghelijc dat een[...] Also soe tersten [...] 555[regelnummer] So ghinc soe w[...] Doe soe ouer d[...] Dat dochtem [...] Ghode loefdi en[...] Ende thuus wa[...] 560[regelnummer] Ende hem seluen h[...] Ende an hem s[...] Ende was torn[...] Hoe hem die on[...] Dat hi hare din[...] 565[regelnummer] Ende soet hem al[...] Ende hise twe w[...] Vele drouer wa[s ...] Ende dicken riep h[...] Dat ic vergat o[...] 570[regelnummer] Hare te vraghen[e ...] Hoe soe hiet dat [...] Gharne haddic [...] Maer hic pensde a[...] Jnt ander jaer [...] 575[regelnummer] Haren name we[...] Alse dit jaer wa[...]
[Folio 240va]
[...]e hadde uernomen [...] hi doe ghinc [...]ie helghe dinc 580[regelnummer] [...]adde ghesien [...]oe vaste spien [...] al dore quam [...]nde verre vernam [...]e ghaerde 585[regelnummer] [...]t neuen der aerde [...]innen mochte [...]iet wesen dochte [...]hen harde wide [...]ent an elke side 590[regelnummer] [...]de ende ghinc [...]tricen vinc [...]beeste spiet [...]t hi siet [...]eghen verstaerde 595[regelnummer] [...] hem openbaerde [...]hen ne sach [...] o wi o wach [...] hande hi wranc [...]erre sinen ghanc 600[regelnummer] [...]e hemelwart trac [...]at hi sprac [...]echt man nie verbat [...]holnen scat [...]rf hebbe ghesien 605[regelnummer] [...]waerf ghescien [...]scouwen [...]te vander vrowen [...] harde sere
[Folio 240vb]
Lieue uader lieue ghod here 610[regelnummer] Al wenende doe quam hi gheghaen Dar hi de gracht vant vor hem staen Dar si tal reerst tegader quamen Ende spraken bede doe te samen Hi ghinc staen in duterste side 615[regelnummer] Sine oeghen ontedi harde wide Ende hi sach hare entare Of hise iet saghe ende wart gheware Daer hi te orient wart sach Waer hare lichgame al doet lach 620[regelnummer] Ende hi sach al openbare Datter de sonne op scen wel clare Dat dochtem mjracle harde scoene Want dat dede ghod van den trone Ende elke hant wel te pointe leegt 625[regelnummer] Also men den doeden lieden plegt Also ofse iemen hare hadde geleit Hi liep te hare doe wel ghereit Met sinen tranen dwoch hi hare voete Si gauen hem roke harde soete 630[regelnummer] Haren lichgame ende hare ander lede Die ne doersti niet porren mede Hi wende vte sinen oeghen trane Ende riep sere onsen here ane Sine salme al dar hi las 635[regelnummer] Also alst ghetidech was Ende hi seide heleghe worden Die ten vighilien do behorden Ende bedinghen vter scrifturen Ende ghereedde hare sepulture 640[regelnummer] Tote hem seluen so seide hi
[Folio 243ra]
Ende sente marie egyptiake Dat soes hem mede oec quite make So dat hem ghod wesen moete Den ioncsten daghe sochte ende soete 645[regelnummer] Alse hi sijn domsle sal gheuen Dar alle dinghe sullun beuen Bede cherubin ende scheraphim Ende aldat te hemelrike es in Dat ghod sine siele moete ontfaen 650[regelnummer] Ende doense metten ghenen gaen Die ghewijst daer werden ewelike Ter bliscap ghods van hemelrike Dies moetem ionnen de hemelsce vader Amen segghet mede nu allegader 655[regelnummer] Nv hoert noch en lettel voert Van zosimuse recht ghode woert Zosimus die indien cloester was Hi bat te ghode ende las Ende riep die heelghe vrowe ane 660[regelnummer] Ende weende te hare groete trane Ende bat hare alsse waerlike Alse soe in dit aerderike Hadde ghedoegt groete pine Daer soe was indie woestine 665[regelnummer] Dat hise vant bider ghods cracht Diene darwart hadde bracht Dat soe ghode vor hem bade Dat hi hem van alre mesdade Moeste ghenadech wesen soe 670[regelnummer] Dat hi ten ioncsten bleue vroe Ende alsi out was hondert iaer Ende hadde ghedaen pine swaer Van aerderike hi doe versciet
[Folio 243rb]
En tese warelt dat hi liet 675[regelnummer] Want ghod hine drute haelde Ende in hemelrike hine onthaelde Ende voer met hem in sinen trone Daert ewelike doet wel scoene Ende die ingle singhen dar dus 680[regelnummer] Sanctus sanctus dominus Helech ghod helech her sabaoth Verre so gaet nu v ghebod Nv moeti ons helpen ende beraden Dor vwe groete zoete ghenaden 685[regelnummer] Dat wiere alle comen moeten Tier groeter bliscap v versoeken Dit was ghemaect in ghoeder kennesse M. cc. ende neghentech iaer Tote enamme inden cloester daer 690[regelnummer] Nv verstaet ende hoert hier naer Sekerleke dit es oec waer So wat mensce so sal wesen Dar men desen boec sal lesen Ende sinen sijn wel dran leegt 695[regelnummer] Andat dese boec hier seeght Ende hijt wille wel verstaen Werdt hi dan in node beuaen Of in enegher hande zake Sente marie egyptiaka 700[regelnummer] So salne verloesscen curtelike Jndien dat hise ghetrouwelike Ane rope inder eren onser vrowen So sal hem helpen ter ghoeder trowen Hec est commemoratio eius 705[regelnummer] Accinxit fortitudine lumbos suos et roborauit brachium
[Folio 243va]
suum ideoque lucerna eius non extinguetur in sempiternum. Versus Adiuuabit eam deus uultu suo; Deus in medio eus non commouebitur. Domine exaudi orationem meam;Et clamor meus ad te ueniat. Oremus. collecta Presta quesumus omnipotens deus; ut beate marie egyptiace natalicia recencentes; meritis ipsius protegamur et precibus. Per xpistum dominum nostrum. amen.

Van sente Marien Egyptiake

[Van sente Marien Egyptiake]

Over dit hoofdstuk/artikel

titels