Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

Een schoon gesangh, om te bidden de genade des heylighen Gheest.

Nv bidden wy den heyligen geest,
Om den rechten geloove aldermeest,
Dat hy ons behoet in onsen eynde,
Als wy hen varen uyt desen ellende,
Kyrieleyson.

Du weerde licht geeft ons dijnen schijn,

Leert ons Iesum Christum kennen alleyn,
Dat wy aen hem blijven den trouwen heylant,
die ons bracht heeft ten rechten Vaderlant,
Kyrieleyson.

Du soete liefste schencke ons dijnen gunst,

Laet ons ontfangen der liefden vrunst
Dat wy ons van herten malcanderen lieven,
Vnde in vrede by eenen sinne blijven,
Kyrieleyson.

Du hooge trooster in aller noot,

helpt dz wy niet vruchten schande noch doot,
dat in ons sinnen niet vertsaghen
Als due Vyant dat leven wert verclaghen.