[Wat in eene gemeenschap valt.] XIX. (I. 12.)
Daer broder off ander lude oer guet to samen hebben, verhooget hee dat myt ene kost eder myt enen dienste, die vrome is ere al gemeyne unde ock die schade. Wat aver eyn man myt synen wyve nymp des en deylt hee myt synen broderen nicht. Verspelt aver eyn man syn guet off brenget yt ovele to off verhoeret hye yt off verguft yt myt gyffte of myt koeste, dat syne brodere eder die der guet myt em gemeyne hebben nicht myt em togeplichtet hebben, dye schade den hee daer an nympt de sal syne allene syn, ende nicht synre broder noch synze gevuerden die oer guet gemeyne mit em hebben.
Auteursrecht onbekend