De Saksenspiegel in Nederland

[p. 149]

tekstkritische noten

1) ende daghet daer dien heer om voer synen mannen binnen dien ghedinghe en mach die man des goets niet voert lenen C.
2) oec verdeelt daer hi yeghenwoerdich is C.
3) daerna niet wt trecken C.
4) die heer macht hem wel overtughen C.
5) ende dien man tot des rikes dinst mit oerdel gheboden ende hevet C.
6) dat moet die heer oec wel betughen C.
7) dagedinghet die heer oec die man te leenrecht mit oerdel of mit sinen monde selver dese drie saken moet die heer bet betugen met twe mannen dant die man versaken mach C. dese drie zaken moet die here vertugen op den man mit twieen synnen mannen die dat saghen ende hoerden dans die man onsculdich moet werden O.
8) hersture O. ende alle die ander hoer stuere gheven C.
9) tot des rykes dienst bieden ten sy hem eerst gheboden mit oerdel als recht is C.

Van leen aen te spreken. CCLXVI. (45 § 3.)

Spreect die man den here an omme leen dat hi in ghewere niet en hevet ende ghededinct hem die here voer sinen mannen, binnen dien dedinghe ne mach die man des goedes niet verlien. ¹) So wien men sijn goet verdeelt in sine ieghenwoerde ²) sonder rechte wedersprake, die ne maghes niet meer wt tien. ³) Niet meer dan drie saken ne mach die here op enen man ghetughen. So wat die man binnen leenrechte spreket of doet of lovet, wil hys verzaken, dat moet die here wel tughen. ⁴) Is dien manne des rikes dienst gheboden mit ordele ⁵) ende hevet die here des ghetuuch an sinen mannen die dat hoerden, des moet hi hem wel vertughen. ⁶) Dedinghet oec die here sinen manne te leenrechte hi selve hem selven van monde te monde mit ordelen; dese III saken moet die here bet ghetughen op den man mit tween sinen mannen die dat saghen ende hoerden, dans die man ontsculdich moet werden. ⁷)