De Saksenspiegel in Nederland

Van leengoede. CCLVIII. (37 § 2.)

So welc man oec hem ander recht toe seghet an enen goede dan hi daer an hebbe, hine volcome des rechtes des hi hem daer an seghet⁸), hi hevet al syn recht verloren. So wie

[p. 145]

tekstkritische noten

die rechte ghewere anden goede hevet, die selt mit meerren recht behouden, dan die ghene die der rechter gheweren en dervet. So wie den overhere oplaet so ghedane goet also hi van den nederen here hevet, ontfaet hyt selve te lene weder of een ander, ende besit daer mede iaer ende dach sonder rechte wedersprake¹), ende ne weets die ghene niet an dien dat goet daer ghehoret²), niet ne mach hi daer bi verliesen, of hi sinen eet daer toe doet binnen synre iaertale, dan dat hyt niet³) ne wiste, dat syn man dat goed opghelaten hadde, ende of hyt mit claghen begrypt alst hem eerst te wetene wert. ⁴) So welc hore dan ieghen den overen heren sine eerren lenes ghewere ghetughen mach⁵) selve sevende synre manne, die hi ghehat hebbe van den overen heren, die behout dat goet.⁶) Mach oec die ghene dat ghetughen⁷), dat dien here syn goet mit leenrechte verdeelt si of hyt opghelaten hebbe⁸), so si des heren tuuch verleghet. Al hevet die man dat goet in ghewere mitter noot, daer omme ne is sinen here des lenes were niet gheverret. ⁹)

1) van den lagheren heer hevet ontfaet hyt selve of een ander weder te lenen ende besit daermede iaer ende dach sonder wedersprake C.
2) goboert O. gheboert C.
3) iaertale dat hy niet O. of hy binnen synen iaertale syn eet daertoe doet dat hys niet en wiste C.
4) off hyt mit begripet alst on ierst toe wetene weert O. ende begrypt hyt mit claghe als hyt eerst weet.
5) dat eere leen betughen mach C. sine erste leens gewere getughen mach O.
6) synre mannen die beholt dat goet C.
7) mach oec die man betughen C.
8) syn goet verdeelt is of dat hyt opghelaten heeft C. verdeilt sy off dat hyt opgelaten hebbe O.
9) al hevet die man dat goet in gheweren niet daer mede een is die heer dat goet niet ontverret C. in gewere mitter nat daer om en is synen heer des leens gewere niet geverret O.
10) sonder dan die O. dan die van den heer beleent is C.
11) mach ghetuych wesen elc man die volcomen is of onbescheyden is an syn recht C.
12) si worden hem mit recht afghewonnen C. si en sy on affgewonnen mit rechte O.