De Saksenspiegel in Nederland

Van kynderen een goet te verlien. CCXLIX. (29 § 3.)

Liet een here enen kynde goet na sinen willen ende niet na rechte, ten scadet den anderen niet hore goet te ontfaen. So welc dier kynderen sine iaertale versumet van dien si die here ledich, hi nemes hem of op den heylighen.⁴) Sinnet enes mannes sone, die tot sinen iaren ghecomen is, goedes an sinen heren ende hevet hi broedere, die noch binnen horen iaren syn, hi moet dien here loven, dat sine broedere des goedes vertien eer hyt hem lie ende dien here onbededinghet laten. ⁵) Daer omme, so wanneer si tot horen iaren comen, breken⁶) dit die kyndere ende vorderen si den here here goet an te leenrechte, die here sal den ghenen voer dedinghen⁷), die hore aensprake verlovet heeft ende verdelen hem syn goet of die ghene die ansprake niet neder en leghet. ⁸)