De Saksenspiegel in Nederland

Van leen te verzoeken. CCXLII. (25 § 2)

So wien die here binnen iare ende binnen daghe nergent ne wyst mit syns selves monde⁷), sint hi der wisinghe an hem heeft ghegheret⁸), dienne moet hi sint nergent wisen, ende sal hem dat goet selve lien. So wanneer die man stervet die sone hevet, die man ne sal sines goedes an den overen here niet sinnen binnen sinen iongheren iaertale.⁹) Of dat kynt sine iaertale versumet, die man hevet sine iaertale daerna te volghen sinen goede. Also menich scilt alse is van den coninghe nederwaert, also menich iaer is te volghene sinen goede manlike binnen ses weken ende enen iare. ¹⁰) Yewelikes mannes iaertale ¹¹) beghint na dien tijt, also sijn here beleent wert met

[p. 138]

tekstkritische noten

den goede, dat hi van hem hebben sel, want ten mach ne gheen here goet lien eert hem selven ledich werde.

1) Soe wat heer eens goet ontfaet of diegheen sterft daer syn heer voecht of is of dat hi oplaet sulc goet als nederheer van heem heeft ende een man voert van dien nederheer goet hebben sal hy mach hem daer yeghen verjaren C.
2) niet ontfangen van der weyde die wile hi on niet veriaert en hevet O. al een hevet die nederheer niet anderwerve ontfanghen soe langhe als hi hem niet veriaret een heeft C. van der werde A.
3) niet verren aen den gode mit der leninghe die hi doet dan daer hi mit recht toe gedwingen wert O. want die man een mach den heer daer binnen sine goede nyet ontverren C.
4) bedeghedinghen wil om hoer leen C. ieman bedwingen wil om oer leen O.
5) wael mombaer nemen O. wel voermonde nemen C.
6) die lenen mit vingeren ende mit tongen te behaldene ende te verliesene O. dien sellen die ghewere loven mit tonghe ende met vingheren dat goet te behouden of te verliesen C.
7) Soe wie sollick kint leen aenspreckt O. of dat kint binnen sinen jaren yemant om leent anspreect C.
8) besceiden O. berechten C.