De Saksenspiegel in Nederland

Van des rechters vervesten. CLXVI. (II. 34.)

So wie een rechter vervest ende mit synre vervestinghe bringhet⁵) an des conincs achte, tiet hem dieghene vten achte⁶) hi sal den hove volghen ses weken. So sal hem die coninc vrede werken,⁷) ende hi sal sweren voer te comene, die hem vervest ende in achte ghebracht hadde.⁸) Voer dien sal hi comen ende hem te rechte bieden binnen viertin nachten seder die tyt dat hi te lande comen is. Des conincs brief sal hi oec mede bringhen ⁹) ende syn seghele, die dien rechter dat te weten doe dat hi der achte ledich is. ¹⁰)