De Saksenspiegel in Nederland

Van denselven. LXV. (I. 61. § 3.)

Die stamerende man of hi ¹²) mispreect ¹³) hi moet hem wel verhalen, verzumet hi oec enighen man yet des voersprake ¹⁴) hi is hi moet hem wel verhalen mit enen anderen voersprake.

[p. 37]

tekstkritische noten

Iewelic man moet wel voersprake syn binnen den lande te Zassen te lantrecht, sonder papen, dien nieman an sinen rechte bescilden ¹), en mach, borghen moet oec die voersprake setten, daer hi gheen erve en hevet, voer des rechters ghewedde ende voer boeten of hi se verboert. So waer die man recht vordert ²) daer sal hi rechtes pleghen ende helpen. Ne gheen clagher en derf borghen setten eer die claghe ghedaghet wort. So wie ghene borghen hebben ne mach ende daer oec ne ghene erve en hevet, dien sal die vrone ghewout behouden ³) of hi om ongherechte ⁴) claghet of beclaghet is.

1) besculden O. bescelden W. laken C.
2) recht neemt daer moet hy recht gheven C.
3) houden tot dier tyt dat dat recht geeynt is ende hy daer vol voer ghedaen heeft C.
4) onrecht O.
5) clagen die men op on O. dier claghen die hy claghet ende die men op hem claghet hoe veel oec der claghen syn C.
6) oft oerre geen des anders O. of dat hi hem niet of en gaet C.
7) Men ne sal niemant O.
8) die hi niet O.
9) om bloet gerocht O. om een bloet rose C.
10) getuges sel men an ses O.
11) vernimpt of te hant of hi wil sal men oec egens O. Soe wie hem tuch vermet die sal men volbrenghen over ses weken of ieghenwoerdich of hy wil C.
12) te hant ten naesten O.