De Saksenspiegel in Nederland

Van den selven. XLIX. (I. 45.)

Al en is een man sinen wive niet evenbordich, hi is doch momber ende si is sine ghenotinne ende tret an ³) syn rechte so wanneer si op syn bedde gaet ⁴). So wanneer oec hi sterft so is si ledich van sinen rechte ende behout trecht van hoerre boerte ⁵). Daerom moet hore momber syn hore naeste evenbordighe zweert maech ende niet hores mannes. Een wyf ne mach sonder hores mannes orlof des hoers niet wech gheven noch eyghen vercopen noch lyftocht oplaten ⁶) daer hi mit hare inder were of sitte ⁷). Maghede ende onghemannede wive vercopen wel hoer eyghen ⁸) sonder haers mombers orlof ⁹) hi en si daer erfname toe.