De Saksenspiegel in Nederland

Van den selven. XXXIX. (I. 38.)

Kempen ende hore kynder, spillude ende alle die onrechte ⁸) gheboren syn, die diefte of roef sonen ⁹) of weder gheven ¹⁰), ende si des voer gherechte verwonnen werden, of die syn lyf of hwt of haer ledeghet ¹¹) die syn alle rechteloes. Die oec iaer ende dach in des rikes hachten syn ¹²), die deelt men ¹³) rechteloes ende verdeelt men ¹⁴) eyghen ende leen. Dat leen den heren ledich, dat eyghen an die coninclike ghewout ¹⁵), is dat syt binnen iaer ende daghe mit horen ede niet en verwarren, tensi dat hem beneme rechte noot, dat si niet comen en moghen, die rechte noet sal men bewisen alse recht is.