De Saksenspiegel in Nederland

Van goede op te gheven ende weder te ontfaen. XXXV. (I. 34. § 2)

So welc man syn goet ⁴) opghevet ende dat weder te lene ontfaet, dien here en helpt die gave niet ⁵), hi en behoude dat goet in sijnre ledichliker were ⁶) iare ende dach. Daer na mach die here denghenen dat goet weder lenen ⁷), so dat hi noch ne gheen sijn erfnamen eyghen daer an beredenen ⁸) mach; weyghert die rechter mit onrechte dat die man syn eyghen niet gheven en moet, so wanneer die coninc in sassesscher aert ⁹) coemt, voer hem moet hyt wel gheven, also hyt voer den rechter soude, opdat hys ¹⁰) tuuch hebbe dats hem die rechter tonrechte gheweygert hevet.