Van papen erffenisse. XXVII. (I. 25.)
Die pape deelt mitten broeder ende niet die monic. Moncket men een kint 7) binnen sinen iaren hi moet wel binnen sinen iaren wt varen ende behouden leenrecht ende lantrecht. Begheeft hem oec een man, die tot sinen jaren ghecomen is, hi heeft hem van lantrecht ende van leenrecht gheleghet 8) ende syn leen is van hem ledich, want hi den heerscilt opghegheven heeft 9), opdat die man des dinghes tuuch hebbe 10), al waart hi oec wt binnen iaren alse grawer monike recht is. Heeft hi oec hem begheven sonder orlof syns rechten wives ende vervordret si hem te sineth rechte 11) wt dien levene, syn lantrecht heeft hi behouden ende niet syn leen des hi of ghestaen is, want een man moet wel sinen heerscilt neder legghen sonder syns wyfs orlof.
Auteursrecht onbekend