De Saksenspiegel in Nederland

[p. 18]

tekstkritische noten

1) Neman O. Die man A.
2) en vermet hem C.
3) vermet hem ander recht C.
4) niet bewysen C. hem, ontbreekt in B.O.
5) Ende heeft hi des vader erve niet O. Hevet hi gheen vader, het C.
6) verder come dan tot broeder of op suster C.
7) na daer toe B nae oen daer to O. nae syn die nemen dan erve ghelyc C.
8) Dit ontbreekt in C.
9) daer O.
10) die in O.
11) sy syn erveloes ghemaecht om misdaet wyl van horen ouderen C. erveloes syn doer oers vaders misdaet O.
12) Swaefsche. O. Swanes C.

Van recht dat enen man angheboren is. XV. (I. 16.)

Nieman ¹) en mach verwerven ²) ander recht dan hem angheboren is. Versmaet hi oec sijn recht voer gherechte ende seghet hi hem tot enen anderen rechter ³), des hi hem niet volcomen ⁴) en mach, hi verlieset beide. So waer tkint is vri ende echte daer behoudet sines vader recht. Is oec die vader of die moeder dienst wyf, dat kint behout sulc recht als hem an gheboren is. Sterft die man sonder kynt, syn vader neemt syn erve. Ne hevet hi des vader erve niet ⁵), et neemt syn moeder mit meerren rechte dan syn broeder. Vader ende moeder, suster ende broeder erve neemt die sone ende niet die dochter. So wanneer oec een erve verzustert ende verbroedert wert ⁶), alle die hem ghelike daer na ⁷) ghetien moghen die nemen ghelike daer an, et si man oft wyf Dese heten die zassen gahenerve ⁸). Doch nemet des sones ende der dochter kint erve voer vader ende moeder ende broeder ende zuster, dor ⁹) dat niet en gaet wt den bosemen die wile dat evenbordich boseme daer is; wie so den anderen evenbordich niet en is die en mach syn erve niet nemen.